Jeremiya 30:18 - Bhibhiliya Nya Guage

¹⁸ Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 30:18 Iomraidhean Croise

1 Dzikoronika 29:1

Mufumeli Dhavhidhe a di engedza a embela tshangano, khuye: “Mwamana wangu Solomoni, khuye ekha a hathidwego khu Nungungulu, aholu uye a ngari gyanana a si guti gilo, nari gu thumo wowu wu khongolo, kholu Nyumba yeyi kha yi lumbi muthu, aholu khya Pfhumu Nungungulu.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

Nehemiya 7:4

Kha nga ndranga yi nga bani yiri yikhongolo ngudzu khu gulapha ni gu anama, ni vathu va nga bani vari umomo, va di bani vari vadugwana, ni dzinyumba dzi nga bani dzi si guvbahedzwi;

Dzindzimo 102:13

U na khuga u ema u girela wuhindzi Siyoni, gikhati nya gu u mupwela gisiro, khigyo egi gikhati gi emisedwego.

Dzindzimo 102:14

Kholu, sithumi sago si ngu gola siwindri sa Siyoni, ni gupwa wuvi khu kotani nya marumbi yawe.

Dzindzimo 122:7

Gu na tale gurula mabhiyoni gwago ni gutangala dzinyumbani gwago nya wufumu.

Dzindzimo 48:13

samalani mabhiyo yaye, mu khedzisisa dzinyumba dzaye nya wufumu, mu kodza gu embeledzela mimelana yi nga gutago.

Dzindzimo 48:3

Dzinyumbani gwawe nya wufumu, Nungungulu a ngu dzi wonegisa kha nga wuthavelo.

Dzindzimo 78:69

Uye vbahide Nyumba yaye nya Guage yi lapha kha nga ndzadzini, yi tiya kha nga mafu a ma tiyisidego kala gupindruga.

Dzindzimo 85:1

Pfhumu Nungungulu u kategiside litigo lago; u wusedzide guandra ga Jakobe.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 44:28

Nyi na embela Kiro, kheni: “Uye khuye muhavisi wangu, a na landrisa satshavbo si nyi tsakisago; ga Jerusalema nyi na, kheni: U na vbahedzwa; ni ga Nyumba ya Nungungulu, kheni: Siseketelo sago si na vbahedzwa nyaluphye.”

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 31:40

Kova watshavbo wu dzudzugedwago sirumbi ni nguma, ni marembwe yatshavbo ni gitsongwana gya Kedhroni, kala matshanganoni nya Nyangwa nya Dzikavalu guya Khugadambo, gu na phasedwa Pfhumu Nungungulu. Gima kha wu na sasedwa mwendro gu khungumudwa kala gupindruga.

Jeremiya 32:15

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Tigoni momu gu nga na gu rengwa dzinyumba, marembwe nya sivbila nayo nya vhinya.

Jeremiya 32:44

Mu na renga marembwe khu dzitsapawu, mu lova malangalila nya gu renge khayo mu rana dzifakazi mu ta sayina tigoni momu ga Bhejami ni bambe ga Jerusalema, ni madhoropani ga na Judha, ni ya musigomoni, ni ya mikovani ni madhoropani ga Marandzi; kholu nyi na va wuyisa khu wugumbitunu vata khala tigoni gwawe; a ngu ganela Pfhumu Nungungulu.

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Jeremiya 46:27

Gasi uwe, githumi gyangu Jakobe, u nga thavi, u nga khali hwanga, uwe Israyeli, kholu nyi na gu vbulugisa nyi gu wuyisa khu mayigoni yoyo ya hwindzo, ni livelego lago khu tigoni nya wugumbi; Jakobe a nata vbanyedza nyaluphye khu gurula, na tangade nyamba thurugiswa khu muthu.

Jeremiya 49:39

“Khu matshigu nya guhegise, nyi na wuyisa vale va vbagedwego va Elamo, a ngu ganela Pfhumu Nungungulu.”

Jeremiya 49:6

Aholu, khu hwane nya esi, nyi na wuyisa sanana sa Amoni, si yisidwego wugumbitunu, a ngu ganela Pfhumu Nungungulu.

Ezekiyeli 36:11

Nyi na engedzela gwanu vathu ni sirengo; avo va na engedzelana, ni melego wawe wu na andra; gu na bwelo khavbo gu manega gambe vathu nya gukhale malangani momo kha nga gale, nyi na mi andrisa ngudzu guvbindra guhegulani; a ngu ganela Pfhumu Nungungulu.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Zakariya 1:12

Khavbo avbo, ngilozi ya Pfhumu Nungungulu, yi di wudzisa, khiyo: “Ama Pfhumu Nungungulu nya Tshivba Yatshavbo, u na kala lini nu si pweli wusiwana Jerusalema ni madhoropa yatshavbo ya Judha u ma tshanisago khu likhulo lago ndrani nya gipandre gegi nya livbandre na mavili magumi (70) myaga?”

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Zakariya 12:7

Pfhumu Nungungulu a na vbanyisa guhegula mitshatsha ya Judha, kha nga matshiguni ya gale. Gasi wudhumo wa nyumbani ga Dhavhidhe ni wuzundzo wa vathu va Jerusalema wu si dandri guvbindra wuzundzo wa Judha.

Zakariya 14:10

Litigo latshavbo li na vbindrugedza li khala nga lipani, gukhugela Gebha kala Rimoni, khu phuvbo ga Marandzi ga Jerusalema; Jerusalema gu na khusedzwa bwelo khavbo gu khala wulangani gwaye, gukhugela nyangwani ga Bhejami kala nyangwani nya lidimba nya guhegule, kala Nyangwa ya Khonatunu, ni gukhugela Langwe ya Hananeli kala mabangani ga mufumeli.