Jeremiya 30:16 - Bhibhiliya Nya Guage

¹⁶ Ambari ulo, vatshavbo vale va na gu saselago, Eni neni nyi na va sasela; valala vago vatshavbo va na yiswa wugumbitunu; avo va na gu gu belago, avo navo va na bedwa, ni avo va na gu phangago va na phangwa navo.

Jeremiya 30:16 Iomraidhean Croise

Dzindzimo 129:5

Va na khale dzitshoni va tutuma vatshavbo valala va Siyoni!

Ekisodha 23:22

Aholu wa gu yingisa lito laye, u landrisa satshavbo esi yi gu embelago, Eni nyi na bani nyiri nala wa valala vago, nyi gu dwanela ga ava va gu wugelago.

Mavingu 22:23

kholu Pfhumu Nungungulu a na vhikela mahungu yaye gulamudwani, gambe a na songa vatshavbo avo va va phangago.

Isaya 14:2

Va nya mayigo va na va dzega va va yisa malangani gwawe, aholu vathu vovo nya vama ni vanyamayi, va na fumedwa khu nyumba ya Israyeli, tigoni ga Pfhumu Nungungulu. Va gira dzikhumbi vale va nga girwago khavo dzikhumbi, bwelo khavbo va tshanisa avo va nga tshaniswago khavo.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 54:15

A gu manega nya gu gu dwanise, khandri eni nyi na mu rumago; uye a na vbwetago gu gu wugela, u na mu pala.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 12:14

Khu mahungu ya vaakelane vangu vatshavbo nya guvivbedwe khu monyo, avo va nga phangago thomba yangu nyi nga tshiyelago vathu vangu va na Israyeli, Pfhumu Nungungulu a ngu ganela kharati, khuye: “Nyi na va dusa tigoni gwawe, ni linyumba la na Judha nyi na li dusa nilo vbakari gwawe.”

Jeremiya 2:3

Gikhati gyogyo Israyeli a diri vathu va phasedwego Nungungulu gambe a diri mihandro nya guhegule nya guvbwere gwaye, vatshavbo va nga bani va mi sasela, va di gu dzi vangela nandru, va thegedwa khu libango; a ngu ganela Pfhumu Nungungulu.

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 30:15

Khu ginani u wombago huwa khu kotani nya gilondra gyago? Madwali yago kha ma halawugi. Khu kotani nya wuvivbi wago nya wukhongolo ni gutala nya sighoho sago, nyi gu girede silo sesi.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gililo 1:22

Sighoho sawe satshavbo si na wonege mahoni gwago! U kodza gu va tsayisa nga idzo u nga nyi tsayisago khidzo eni, khu kotani nya sighoho sangu. Kholu gudilela gwangu kha gu hegisi, ni monyo wangu wu ngu vbisa.

Ezekiyeli 29:6

Vavbanyi vatshavbo va Egipito, va na nyiti gukhavo kheni Pfhumu Nungungulu, kholu va khade ndronga mweyo nya tshava vbakari ga va na Israyeli.

Ezekiyeli 35:5

Kholu u yade livengo kala gupindruga, khu gu ningela va na Israyeli va sasedwa khu matshari, gikhatini nya sigaradzo ni tsayiso nya guhegise.

Joyele 3:8

Nyi na rengisa sanana sanu nya sikhwathana niso nya sagadzyana khu mandzani ga va na Judha, avo va naya rengisela va na Sebha vathu nya litigo li khadego hwindzo ngudzu, kholu nyi ganede eni Pfhumu Nungungulu.

Mikeya 4:11

Olu mayigo nya mangi ma tshanganide gasi gu gu wugela, ma ganela khayo: “Siyoni a na nyenyeziswe, gasi maho yathu, ma fela gu wona gunavela gwawe.”

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Nahume 1:8

aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

Sofoniya 2:8

Nyi pwide guyuyutela ga vathu va Mowabhi ni gupoyila ga sanana sa Amoni gikhati va nga valago vathu vangu, va dzi khusedza khu litigo lawe.

Zakariya 1:14

Khavbo avbo, ngilozi yi nga bani na yi ganela ni eni, yi di nyi embela, khiyo: Huwelela esi, u ganela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Nyi ngu vbisega ngudzu khu kotani ya Jerusalema ni Siyoni;

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Zakariya 12:2

Wonani, nyi na gira Jerusalema a khala gikombe nya wadwa gasi gu levisa mayigo yatshavbo ma mu randredego; va na gira idzosaye ga Judha litshigu a na randredwago.

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.

Zakariya 2:12

Pfhumu Nungungulu a na fumela Judha kha nga thomba yaye tigoni nya gukatege, gambe a na dzi hathela nyaluphye lidhoropa la Jerusalema.

Zakariya 2:8

Kholu Pfhumu Nungungulu nya Tshivba Yatshavbo, a ngu ganela kharati, khuye: Hwane nya gu na nyi rumede ga mayigo ma mu phangidego; kholu wule a mu kuhago a gu kuha ndzololwane nya liso laye.

Dhewuteronome 30:7

Pfhumu Nungungulu wago, a na thela mabango yaya yatshavbo vbatshani ga valala vago ni ga vatshavbo avo va gu vengago, va gu tshanisa.

Gutuledwa 13:10

Oyu a yisago vakwawe wugumbini, a na yiswa nuye wugumbini, oyu a songago khu litshari a nafa nuye khu litshari. Khigyo egi gikhati nya wundrena ni gutumbege nya vakhodwa.

1 Samuweli 17:53

Hwane nya gu bani va lundride Vafilisitiya, va na Israyeli va di bwelela va ta phanga mitshatshani ya mazumboni yawe.