Jeremiya 30:14 - Bhibhiliya Nya Guage

¹⁴ Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 30:14 Iomraidhean Croise

Joba 16:9

Uwe Nungungulu, u nyi vbadzulede khu likhulo lago, U nyi khukhurusela magwaha; valala vangu va gu nyi laludzela khu maho nya guthise.

Joba 19:11

A di khondra khu likhulo laye vbatshani gwangu, a nyi wona kha nga nala waye.

Joba 30:21

Uwe u vbindrugedzide u khala muthu nya dzihanyi avbo gwangu, U nyi tsayisa khu tshivba nya gyandza gyago.

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Isaya 57:13

Gikhati u na lilago u lomba guphaswa, nyi na gu wona, mwendro longoloko nya sifananiso sago, si na gu vbanyisa! Si na dzegwa satshavbo si vbuvbiswa khu phuvbo; aholu uye a tumbago Eni a na hakha litigo kha nga thomba yaye, a na hakha gambe gigomo gyangu nya gukatege.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 30:15

Khu ginani u wombago huwa khu kotani nya gilondra gyago? Madwali yago kha ma halawugi. Khu kotani nya wuvivbi wago nya wukhongolo ni gutala nya sighoho sago, nyi gu girede silo sesi.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 32:34

Va nyenyeziside nyumba yangu nya miphaso gu khozedwago umo lina langu, khu gu vega umo sifananiso nya vanungungulu vawe nya malipha.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Jeremiya 38:22

Vanyamayi vatshavbo va na tshalago nyumbani nya wufumu wa Judha, va na dzegwa va ningedwa ga vathangeli va mufumeli wa Bhabhiloni, gasi avo va na ganela, khavo: Dzipari dzile dzago nya dzadi dzi gu kanganyiside, dzi gu pfhadzide. Migondro yago yi pfugunyede maragani; dzipari dzago dzi gu digide.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 50:42

na va dongide wulaho ni sighalala; na vari ni gigaha nyamba tsetsa muthu, ligwaha lawe li na fanana ni gudzuma nya linene, va na khilela dzikavalu va fola khu dhiliza gasi guta dwana nago, uwe lidhoropa la Bhabhiloni.

Jeremiya 6:23

Va nata na va somide malaho ni sighalala; avo vathu nya lunya ni gumbana gisiro; ligwaha lawe la gu dzuma kha nga libimbi nya linene; na va khilede dzikavalu, na va somide gu dwana nago uwe lidhoropa la Siyoni.”

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 2:1

Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

Ezekiyeli 23:22

Khu guralo, Mune Pfhumu Nungungulu a ngu ganela kharati, khuye: “Uwe Owolibha, sibhayi sago sile si nga gu swira, nyi na si gira si gu wugela si gu dwanisa khu maphuvbo yatshavbo;

Ezekiyeli 23:9

“Khu kotani nya isoso, eni nyi mu ningede mandzani nya sibhayi saye, nya Vaasiriya, vale uye a va haladzidego ngudzu.”

Dhaniyeli 9:11

Ina, vatshavbo va na Israyeli va ndragide nayo wago, va ndreya ndzilani, va yeyisa va si vbweti gu yingisa. Khu kotani nya isoso hi thegedwe khu libango, mitungu yi nga lowago Nayo ga Mosi, githumi gya Nungungulu, yi thegede vbatshani gwathu, kholu hi gu ghohede.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Hoseya 2:5

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Obhadhiya 1:7

Mayigo yatshavbo u pwananago navo, ma gu pengiside ma gu yisa vbavbandze nya litigo lago; ni avo va londrolago gurula gwago va gu pfhadzide va gu pala; ni avo va hodzago guhodza gwago, va gu dembede naphwi migondroni gwago; tigoni gwa Edhomi, wu mwalo pwanano.