Jeremiya 30:11 - Bhibhiliya Nya Guage

¹¹ Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 30:11 Iomraidhean Croise

2 Samuweli 24:12

“Indra u ya embela Dhavhidhe, khuwe: Pfhumu Nungungulu a ngu ganela kharati, khuye: Silo siraru nyi gu ningago, hatha gimwegyo nya iso gasi u gire.”

Dzindzimo 6:1

Pfhumu Nungungulu, u nga nyi kawuki nu tade khu likhulo, ambari gu nyi tsayisa nuri ni likhulo.

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 1:8

U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 15:20

Nyi na gu vega u khala likhokhola nya sugu nya litigo leli; va na dwana nago, aholu kha va na gupala, kholu eni nyi na ni uwe gasi nyi gu vhikela ni gu vbulugisa avbo gwawe, a ngu ganela Pfhumu Nungungulu.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Jeremiya 5:18

Ambari khu kharato, Pfhumu Nungungulu a ngu ganela, khuye: “Khu matshigu yoyo kha nyi na mu mbembisa muphelo.”

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Ezekiyeli 11:13

Gikhati eni nyi nga bani nyi profeta, Pelatiya, mwamana wa Bhenaya, a difa. Khavbo avbo, nyi di khidzima nyi kuha mafu khu khovbe, nyi lila khu lito nya gukhugege, kheni: “Ah! Mune Pfhumu Nungungulu! Ina u na mbembisa mitshaledwa yatshavbo ya Israyeli, gani?”

Ezekiyeli 6:8

Aholu nyi na tshiya vadugwana; vambe vanu va na vbuluga gu songwa gasi va kodza guphalalegiswa va yiswa ga mambe mayigo.

Hoseya 11:9

Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Levhi 26:44

Ambari khu kharato, avbo va nga bani na vari tigoni ga valala vawe, gima kha nya va dzudzuga, ambari gu va diga nya gukala nyi va mbembisa nyi divala gidzumeledzwano nyi giridego navo; kholu Eni kheni Pfhumu Nungungulu wawe.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Mithumo 18:10

kholu eni nyi nago. Mwalo a na handzegago mandza vbatshani gwago. Kholu nyi na ni vathu nya vangi dhoropani momu.”

Dhewuteronome 4:31

khu guralo, Pfhumu Nungungulu wago, a gu Nungungulu nya wuhindzi, kha na diga gu gu tangadzisa, kha na gu mbembisa, gambe Uye kha na divala gidzumeledzwano a sambanyidego ga vababe vago.

2 Thimoti 4:22

Pfhumu a na khale ni uwe, wuhigo wa Nungungulu wu na khale ni enu. Amen.