Jeremiya 30:10 - Bhibhiliya Nya Guage

¹⁰ Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:10 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 35:9

Umomo kha gu na manega dzinghala, ambari ni girengo gimwegyo nya wurena kha gi na vbindra khu ndzila yoyo; aholu gu na gimbila khiyo basi vale va tshudzisidwego.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 44:1

Gasi olu, yingisa uwe githumi gyangu Jakobe, uwe Israyeli nyi gu hathidego.

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 46:11

Nyi ngu rana lighama khu Khugadambo, khu tigoni ga hwindzo, nyi rana muthu a na ta landrisago guhaladza gwangu, kholu nyi mu embede kharato, gambe si na girega; nyi si hungide, gambe si na girega.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 49:12

Wonani nya gukhenu va nata khu hwindzo, vambe va nata khu Wuronga, vambe khu Pfoladambo ni vambe khu tigoni ga Sinimi.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 23:4

Nyi na dzi emisela vahavisi va na gu dzi havisago, avbo dzi na gumba thava ambari gu ndrendremela, gambe yi mwalo ni mweyo yi na dzimelago, a ngu ganela Pfhumu Nungungulu.

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 23:8

“Aholu va na sambanya, khavo: Hi ngu sambanya khu Pfhumu Nungungulu a vbanyago, khuye a residego livelego la na Israyeli khu mayigoni ga Wuronga ni mayigoni gwatshavbo va thavedego umo; gambe avo va na wuya tigoni gwawe nya mavelego.”

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Ezekiyeli 16:52

Khu guralo, uwe u fanede gu tshaniseka khu dzitshoni dzago, uwe u lamudego vandriyago, khu kotani nya sighoho sago, u giridego guvbindra avo; aholu avo va lulamide guvbindra uwe; khala dzitshoni u wuya gambe u tshaniseka khu kotani nya dzitshoni dzago, kholu u lamude vandriyago.

Ezekiyeli 38:11

U na ganela, khuwe: Nyi naya dhumela litigo li gu ni mitalala nyamba bhiywa, nyi dwanisa vathu nya gurule va si dileligo gilo, va vbanyago madhoropani nyambana mabhiyo, nyambana malimba ambari sikwinyaro.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Hoseya 2:18

Pfhumu Nungungulu a ngu ganela, khuye: “Khu litshigu lolo, u na nyi rana khuwe mwama wangu; khu na nga nyi rana gambe, khuwe: Bhahali wangu.

Hoseya 2:20

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Hoseya 6:11

Uwe nuwe Judha, li nguta litshigu lago nya gutsayiswe, litshigu nyi na gu wuyisago vathu vangu khu wugumbitunu.

Joyele 2:21

Uwe litigo u nga thavi; tsaka u nengela ngudzu; kholu Pfhumu Nungungulu giride silo sikhongolo.

Mikeya 4:9

Gasi olu, khu ginani u wombago huwa nya yikhongolo, ina u mwalo mufumeli, gani? A difa singalagadzi wago, gani? Gu kala u pwa wuvi nya nga wa nyamayi a lumwago?

Zakariya 3:10

Ga litshigu lolo, a ngu ganela Pfhumu Nungungulu nya Tshivba Yatshavbo, moyo ni moyo nya enu a na rana muakelane waye gasi guta khala mutsani nya uvha waye ni mutsani nya nguhu waye.”

Johane 12:15

“U nga thavi, nyamahegyane wa Siyoni. Khu mu woni mufumeli wago; wule atago na khilede giburwana!”