Jeremiya 3:9 - Bhibhiliya Nya Guage

⁹ Khu gumba khathala gwaye, nyenyeziside litigo latshavbo, khu gu khozela sifananiso nya siwindri ni misimbo.

Jeremiya 3:9 Iomraidhean Croise

Isaya 57:3

Aholu hidzimelani avba, enu sanana nya valoyi, enu livelego nya sibhayi ni maphuphulu.

Isaya 57:6

Kholu vanungungulu vanu vomo umo nya siwindri nya gukwirige sa sitsongwanani; khiyo thomba yago; khiso u si phaselago khu vbinyu, ni gu si girela miphaselo khu wuguvbi; ina nyi na salalegiswa khiso isoso, gani?

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Jeremiya 3:2

Nga khusa maho yago u khedza sigomoni, mwendro womo uye u ngamba bhaya naye! U di va khedzisela khu dzindzilani kha nga idzo a girago Muarabhi giwulani. U nyenyeziside litigo khu wuphuphulu wago nya wungi.

Ezekiyeli 16:17

U dzegide simburiselo nyi gu ningidego, si giridwego khu ndralama ni parata yangu, u dzi girela khiso sifananiso nya vama u bhaya naso.

Ezekiyeli 23:10

“Avo va di mu tshulela guambala gwaye, va mu diga nari wumbwiri, va di dzega sanana saye nya sikhwathana nesi nya sagadzyana gumogo naye, vaya va songa khu matshari. Uye a di mana ndruma nya guvivbe vbakari ga vanyamayi. Khavbo avbo, a di ningwa tsayiso.”

Ezekiyeli 23:21

“Kharati, uwe Owolibhani u engedzide gambe gu gira horo nya nga uwo u wu giridego tigoni ga Egipito nu ngari mbiri, vama va di bani va gu ganya ganya dzithonvu nya mavele, va ghohetela wukendzi wago.”

Ezekiyeli 23:3

“Avo va khade maphuphulu tigoni ga Egipito, va dzi bedzedzela wubhayini gukhugela wumbirini gwawe. Va dzumela gu ganywa ganywa mavele, ni gu ghohetedwa wukendzi wawe.”

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Joyele 1:19

Nyi ngu lila avbo gwago uwe Pfhumu Nungungulu, kholu nilo wu vbiside mahawo ya giwulani, ni malavbelavbe nya nilo ma khondriside misimbo yatshavbo ya khabini.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Matewu 5:32

Gasi eni nyi ngu mi embelani, kheni: Watshavbo uye a hulago mwangadzi waye, vbavbandze nya wubhayi a ngu mu girisa gibhayi. Mwama a na mu dzegago a na khala nuye gibhayi.