Jeremiya 3:8 - Bhibhiliya Nya Guage

⁸ U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 3:8 Iomraidhean Croise

2 Dzikoronika 21:11

Uye giride gambe malanga nya gukhugege musigomoni sa Judha, a kutsedzela va na Judha ni vavbanyi va Jerusalema gu ndreya ndzilani; a ghohisa kharati va na Judha.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Jeremiya 5:7

Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Ezekiyeli 16:46

Ndriyago nya koma a gu uye Samariya, a gu vbanya khu phuvbo gwago ga Wuronga gumogo ni sanana saye; ni ndriyago nya nandra a gu uye Sodhoma, a vbanyago khu phuvbo gwago ga Marandzi gumogo ni sanana saye.

Ezekiyeli 16:47

Khu guralo, kha wa landra dzindzila dzawe ni gu gira gunyenyeza va gu giridego avo, aholu u giride silo ya gunyenyeze ngudzu mithumoni gwago guvbindra avo.

Ezekiyeli 16:51

Samariya kha nga gira gipandre nya sighoho sago; uwe u giride guvivba nya gukhongolo ngudzu guvbindra uye, nya gufananisa khu gwatshavbo guvivba u giridego, vandriyago va gu wonega na vari vathu va agidego.

Ezekiyeli 23:44

Avo va di lala naye. Va di lala ni vanyamayi vale nya wudogodogo, Owolani ni Owolibhani, gukhwatshi khu wule a lalago ni liphuphulu.

Ezekiyeli 23:9

“Khu kotani nya isoso, eni nyi mu ningede mandzani nya sibhayi saye, nya Vaasiriya, vale uye a va haladzidego ngudzu.”

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Dhewuteronome 24:1

Mwama a gu dzega nyamayi a vbaha naye lipango, khu hwane nya matshigu, a gumba tsakiswa khu nyamayi wule, khu guya tugula gilo nya dzitshoni gwaye, a na mu lovela lidangalila nya musi nya hulano, a mu ninga mandzani gwaye, a mu tutumisa ndrangani gwaye;

Dhewuteronome 24:3

oyu nuye a mu nyenya a mu lovela lidangalila nya musi, a mu ninga mandzani, a mu tutumisa ndrangani gwaye, mwendro a gufa mwama yoyu nya guhegise a nga mu dzega a khala mwangadzi waye,