Jeremiya 3:7 - Bhibhiliya Nya Guage

⁷ Nyi di alakanya gukheni hwane nya gu bani giride sighoho satshavbo sesi, mwendro saye a na wuya eno gwangu, aholu uye kha wuya ndriyaye nya mukanganyisi, Judha a si wone satshavbo sesi.

Jeremiya 3:7 Iomraidhean Croise

2 Dzikoronika 17:4

Aholu a di vbweta Nungungulu wa babe waye, gumogo ni gu landrisa milayo yaye, nasiri mithumo ya Israyeli.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Ezekiyeli 16:46

Ndriyago nya koma a gu uye Samariya, a gu vbanya khu phuvbo gwago ga Wuronga gumogo ni sanana saye; ni ndriyago nya nandra a gu uye Sodhoma, a vbanyago khu phuvbo gwago ga Marandzi gumogo ni sanana saye.

Ezekiyeli 16:47

Khu guralo, kha wa landra dzindzila dzawe ni gu gira gunyenyeza va gu giridego avo, aholu u giride silo ya gunyenyeze ngudzu mithumoni gwago guvbindra avo.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Amosi 4:8

Va di legalega va khuga khu ga madhoropa mavili mwendro madhoropa mararu, va hongola ga limbe lidhoropa gasi guya sela mati, aholu kha va dzi kodza gu tshima lidora; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.