Jeremiya 3:6 - Bhibhiliya Nya Guage

⁶ Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 3:6 Iomraidhean Croise

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

2 Dzikoronika 34:1

Josiya a diri ni livbandre na miraru myaga gikhati a nga phela gufuma, fumide magumararu na moyo myaga.

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Isaya 57:3

Aholu hidzimelani avba, enu sanana nya valoyi, enu livelego nya sibhayi ni maphuphulu.

Isaya 57:7

Wa gu ladza lidawu lago sigomoni nya gulaphe; u gwela iyo guya gira miphaso nya dzimhamba.

Jeremiya 1:2

Magana ya Pfhumu Nungungulu, ma rumedwe ga Jeremiya, matshiguni ya Josiya, mwamana wa Amoni, mufumeli wa Judha, khu mwaga nya likhumi na miraru nya gufume gwaye;

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Ezekiyeli 16:31

Avbo u nga bani u vbaha nyumba yago nya wubhayi mahandzakanyani gwatshavbo nya dzindzila, ni gu vega miphaso nya gunyenyeze mitandralani gwatshavbo, ina uwe khandri u di dzi gira nga maphuphulu ma gimbilago ma vbweta dzitsapawu, gani?

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 23:11

“Nandra waye Owolibhani, na si wone isoso, gunavela nya wubhayi waye, wu di vbindra wa koma waye.”

Ezekiyeli 23:4

“Malina yawe a diri aya: Uye nya koma khu Owolani, uye nya nandra khu Owolibhani; avo va diri vagadzi vangu, va nyi velegede sanana nya sikhwathana ni sagadzyana. Owolani, khu Samariya, Owolibhani, khu Jerusalema.”

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 4:13

Va olovede guphasela dzitshokhani nya sigomo, va vbisa mabani musigomwanani, vbavbatshi nya misimbo nya miguhu, mikandzu ni mikanyi kholu mitsa yakone kyadi. Khu guralo sanana sanu nya vanyamahegyane si ngu khala maphuphulu, ni vagadzamwane vanu va ngu bhaya.

Valamuli 2:17

Ambari khu isoso, kha va nga yingisa valamuli vawe, aholu va di dzi ningedzela gu gira wubhayi ni vambe vanungungulu va va khidzimela. Va di vbiredza gu ndreya ndzilani va nga bani va gimbila khiyo vababe vawe, va nga bani va yingisa sileletelo sa Pfhumu Nungungulu, va si giri kha nga avo.