Jeremiya 3:25 - Bhibhiliya Nya Guage

²⁵ Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 3:25 Iomraidhean Croise

Dzindzimo 106:6

Ethu hi ghohide gu fanana ni vababe vathu; hi giride esi nya gunyenyeze ni guvivba.

Dzindzimo 106:7

Vababe vathu gikhati va nga bani vari tigoni ga Egipito; kha va thela kota khu siliwugiso sago, kha va alakanya lihaladzo lago nya likhongolo, gambe va gu wugede vbafuvbi ni Yiphwa, a gu Yiphwa nya Gufuvile.

Dzindzimo 109:29

Avo va nyi nyenyago va na tale khu dzitshoni, dzitshoni dzawe dzi na va fenengedze kha nga guambala.

Mavingu 13:18

Uye a nyenyago gulaywa a na thegedwa khu dzitshoni ni wusiwana, gasi uye a dzumelago gukawukwa a na zundzega.

Mavingu 5:13

Kholu kha nya yingisa vahevbudzi vangu, ambari gu yingela sileletelo sa valayi vangu.

Isaya 48:8

Gima u di si gu sipwi, ambari gu si pima, gukhugela gale dzindzeve dzago dzi di bani dzi si gu tulegi; kholu nyi di gu si pima gukheni kha wa tumbega ngudzu, gukhugela rumbuni ga mayi wago, wa gu tidwa pwani u gindragamilayo.

Isaya 50:11

Gasi enu mu khuthago nilo, ni gu wu furugedzela gasi wu khondre, mu na thegela umo nya malavbelavbe nya nilo mu wu khondrisidego mwabune, mu vbiswa khu dzitshahe nya gukhondre dzi pirigago, isoso si nata khu gu rumedwa khu gyandza gyangu, mu nafa khu tshanisa nya yikhongolo.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 14:20

Oh! Pfhumu Nungungulu! Sighoho sathu hi ngu siti, ni sighoho sa vababe vathu; kholu hi gu ghohede.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Jeremiya 20:18

Gasi nyi dugede ginani khu rumbuni! Gasi nyi fela guta wona basi dzitshanisa ni guvbisega matshigu yangu ma hegisa khu dzitshoni, gani?

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 31:19

Hwane nya gu bani nyi ghohide, nyi dzi layide, gikhati nyi nga pimisa, nyi di tshanisa givili gyangu; nyi ngu pwa dzitshoni ni wuvi, kholu nyi rwade gighoho gya wudzahani gwangu.”

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Jeremiya 7:19

Ina va gu pwisa eni wuvi, gani? A ngu ganela Pfhumu Nungungulu, va gu dzi pwisa vabune wuvi, va dzi thela dzitshoni dzikhovbeni gwawe.

Jeremiya 8:14

Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu Pfhumu Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede Pfhumu Nungungulu.

Jeremiya 9:18

Va na vbiredze, vata hi embelela ndzimo nya gililo, gasi gu thega marongo khu dzikhovbeni gwathu, ni dzitshi dzathu dzi tala khu mati.”

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Gililo 5:7

Vababe vathu va ghohide, aholu avo va fude; olu ethu hi ngu rwala nandru wawe.

Ezekiyeli 2:3

Uye a di nyi embela, khuye: “Mwamana wa muthu, nyi ngu gu rumela ga va na Israyeli, vathu nya guyeyise, va nyi wugedego; avo gumogo ni vababe vawe, kala na muhuno va nga gu nyi wugela.

Ezekiyeli 36:32

Dzitini nya gukhenu kha nyi giri esi khu kotani nya lihaladzo nanu, a ngu ganela Mune Pfhumu Nungungulu. Enu va na Israyeli, thegani vbavbatshi khu dzitshoni, khu kotani nya dzindzila dzanu nya guvivbe.

Ezekiyeli 44:13

Va nga hidzimeli vbafuvbi gwangu gasi gu nyi thumela kha nga vaphasi nya mhamba, gambe va nga hidzimeli ga gimwegyo nya sombo sangu nya guage, ni ga miphaso yangu yi agidego ngudzu, va na rwale dzitshoni nya mithumo yawe nya gunyenyeze.

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Hoseya 9:10

Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Valamuli 2:2

Khu guralo, enu mu nga hungini gidzumeledzwano ni vavbanyi va tigoni momu, na mu si gu pfhungumuli siluvelo sawe; aholu kha mwa yingisa lito langu. Khu ginani mu giridego isoso?