Jeremiya 3:23 - Bhibhiliya Nya Guage

²³ Khu lisine, wukhozeli nya malipha wa musigomoni wu ngu kanganyisa; esi va si girago giwulani ligwaha basi; guvbanyiswa ga Israyeli gwa guta khu ga Pfhumu Nungungulu wanu.

Jeremiya 3:23 Iomraidhean Croise

Dzindzimo 3:8

Guvbanyiswa gwa guta khu ga Pfhumu Nungungulu, u tshisa makategwa ga vathu vago.

Dzindzimo 62:7

Guvbanyiswa ni wudhumo wangu womo ga Nungungulu; khuye muvhikeli wangu nya tshivba, wulanga nyi thavelago avbo.

Mavingu 21:31

Khu litshigu nya litunga, va gu dongisela kavalu, aholu Pfhumu Nungungulu khuye a ningago tshivba nya gupale.

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 43:11

Eni kamwe, kheni Pfhumu Nungungulu, vbavbandze gwangu mwalo mumbe muvbanyisi.

Isaya 44:9

Vatshavbo vawumbi nya sifananiso khandri va gilo, ni mithumo yawe va yi tsakelago, kha yi phasi gilo; avo vabune kamwe dzifakazi nya gukhavo kha va woni ambari gu pima gukhavo va na thedwa dzitshoni.

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 17:14

Pfhumu Nungungulu, nyi thume gasi nyi kodze gu vbanya, nyi vbulugise gasi nyi kodze gu vbuluga; kholu uwe khuwe wuzundzo wangu.

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Johane 4:22

Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.