Jeremiya 3:18 - Bhibhiliya Nya Guage

¹⁸ Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 3:18 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 23:8

“Aholu va na sambanya, khavo: Hi ngu sambanya khu Pfhumu Nungungulu a vbanyago, khuye a residego livelego la na Israyeli khu mayigoni ga Wuronga ni mayigoni gwatshavbo va thavedego umo; gambe avo va na wuya tigoni gwawe nya mavelego.”

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Jeremiya 7:7

Khu guralo, nyi na mi girani mu khala ga wulanga wowu, tigoni momu nyi ningidego vababe vanu, gukhugela matshiguni ya gale kala gupindruga.

Ezekiyeli 11:17

Khu guralo, va embele, khuwe: Mune, Pfhumu Nungungulu a ngu ganela kharati, khuye: Eni nyi na mi tombanisa vbakari nya mayigo, nyi mi wuyisa khu mayigoni mu phalalegidego umo, nyi mi ninga litigo la Israyeli.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Amosi 9:15

Nyi na va yala tigoni gwawe, gima kha va na sigudwa gambe ga litigo nyi va ningidego, a ngu ganela Pfhumu Nungungulu wago.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Zakariya 2:6

Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.