Jeremiya 3:17 - Bhibhiliya Nya Guage

¹⁷ Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 3:17 Iomraidhean Croise

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

1 Dzipfhumu 8:41

U na yingisa gambe muluveli a si lumbigo vathu vago va na Israyeli, aholu na guta khu mayigoni ya hwindzo, khu kotani nya lihaladzo nya lina lago,

Dzindzimo 102:23

Uye a nyi vbedzide tshivba vbakari nya ndzila, a rodzisa matshigu yangu nya guvbanye.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Dzindzimo 87:3

Uwe lidhoropa la Nungungulu, si ngu tsakisa iso vathu va ganelago, khu gu gu zundza.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 56:6

Ni valuveli va dugelago ga mambe mayigo, va guta dzi ningela ga Pfhumu Nungungulu, gasi gu mu thumela ni gu gola lina la Pfhumu Nungungulu, ni gu khala sithumi saye, ni vatshavbo va vegedzago litshigu nya Sabhadho, va si li nyenyezisi, va landrisa gidzumeledzwano gyangu,

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Jeremiya 11:8

Aholu avo kha va nga yingisa, ambari gu neredza ndzeve; muthu ni muthu a di gimbila khu ndzila nya gugodwe khu monyo waye nya guvivbe; khu guralo, nyi nga va girelago sitsayiso satshavbo si lovidwego umo nya gidzumeledzwano nyi va rumedego gu si landrisa; aholu avo kha va si landrisa.

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 14:21

Khu kotani nya lihaladzo nya lina lago, u nga hi digi; u nga poyili gikhalo gyago nya wudhumo, alakanya gidzumeledzwano hi hungidego nago, u nga gi tshuli.

Jeremiya 16:12

Khu guralo, mu dzi nyenyeziside guvbindra vababe vanu, wonani nya gukhenu muthu ni muthu a gu landrisa iso si godwago khu monyo waye nya guvivbe a si dzumeli gu nyi yingisa.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 17:12

Gikhalo gyathu nya wudhumo, gi khusegidego ngudzu gukhugela guhegulani, khu wulanga wathu nya miphaso.

Jeremiya 18:12

Aholu avo va gu hakha, khavo: “Ethu hi mwalo mahungu khu isoso! Gambe hi na simama ni mavbanyelo yathu, muthu ni muthu a na gira iso a rumwago khu monyo waye nya guvivbe.”

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Ezekiyeli 1:26

Khu vbatshani nya rodha nya mihungo yawe, gu diromo gilo nya gufanane ni gikhalo nya wufumu nya gukhedzige nga giwindri nya safira; khu vbatshani nya igyo nya gufanane ni gikhalo nya wufumu, gu diromo gilo nya gufanane ni muthu khu vbatshani gwaye.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Mitengo 15:39

Matshakafula yaya, momo avbovbo gasi gikhati mu ma wonago, mu na alakanya milayo ya Pfhumu Nungungulu. Mu na yi landrisa; gambe kha mu na dzumela gu ndreyiswa khu gudogorela nya myonyo ni maho yanu, yi mi yisa muguvivbani.

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Varoma 6:14

Kha gu vbwetegi gighoho gi fume gambe gwanu, kholu enu kha mu vbanyi gambe vbavbatshi nya Nayo, aholu mwa gu vbanya wuhigoni gwa Nungungulu.

Vagalatiya 4:26

Gasi Jerusalema ga Ndzadzini gu tshulegide, khuye mayi wathu.

Valamuli 2:19

Aholu gikhati afago mulamuli wule, avo va di bwelela gambe vaya gira guvivba guvbindra vavelegi vawe, va landrisela vambe vanungungulu, va noga mbeli gwawe, va va khozela; kha va nga hambana ni mithumo yawe nyambasi yadi, ni dzindzila dzawe nya guwegele.