Jeremiya 3:16 - Bhibhiliya Nya Guage

¹⁶ Pfhumu Nungungulu a ngu ganela, khuye: Mwa gu velegelana mu andra mu tadza litigo, khu matshigu yoyo, vathu kha va na nga ganela gambe khu Ngasa nya Gidzumeledzwano gya Pfhumu Nungungulu! Ambari gu yi dilela mwendro gu yi alakanya; kha va na khathala gambe khiyo mwendro gu gira yimbe.

Jeremiya 3:16 Iomraidhean Croise

Isaya 60:22

Lipango nya lidugwana, li na andra kala likhumi mazana (1.000), ni eli nya ligwana ngudzu, li na khala litigo nya tshivba. Eni kheni Pfhumu Nungungulu; khu gikhati givbwetegago nyi na gira satshavbo sesi si tadzisega khu guvbiredza.

Isaya 61:4

Va na vbahedza nyaluphye marumbi ma pfhungumudwego gukhugela gikhati gya gale, va wusedza dzinyumba dzi khungumudwego khu gale, va vbahedza madhoropa ma pfhungumudwego gikhatini gya gale.

Isaya 65:17

Wonani! Nyi na vanga ndzadzi yiphya ni mafu maphya, gasi silo sa gale mu si si dundrugi, ambari gu si alakanyela gambe.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 30:19

Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Ezekiyeli 15:5

Ambari gikhati wu nga bani wuri rumba, wu nga bani wu si phasi gilo, ahati olu wu vbisidwego khu nilo, hi nga dzi gu gira khuwo thumo nya gukari, gani?

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Matewu 1:11

Josiya a velega Jekoniya ni vandriyaye, gikhati va nga vbagedwago va gu yiswa Bhabhiloni.

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.