Jeremiya 3:12 - Bhibhiliya Nya Guage

¹² Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 3:12 Iomraidhean Croise

Genesi 4:7

Wa gu gira nya sadi, khu lisine u na zundzega, aholu wa gu gira guvivba, u na modwa khu gighoho kholu gyomo nyangwani gwago gi vbweta gu gu thesa. Aholu uwe guvbweta u gi pala.”

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

2 Dzipfhumu 18:1

Khu mwaga nya wuraru nya gufume ga Ozeya, mwamana wa Ela, mufumeli wa Israyeli; a di phela gufuma Ezekhiya, mwamana wa Akazi, mufumeli wa Judha.

2 Dzikoronika 29:10

Khidzo kharato, monyo wangu olu wu pimisago gu gira gidzumeledzwano ni Pfhumu Nungungulu wa Israyeli, gasi a ndreyise vbakari gwathu likhulo laye.

2 Dzikoronika 30:9

Kholu mwa gu vbindrugedzani mu wuya ga Pfhumu Nungungulu, vandriyanu ni sanana sanu, va na tsetseledwa khavo va va modego, va va wuyisa ga litigo leli; kholu Pfhumu Nungungulu wanu, tade khu gisiro ni wuhindzi. Gima kha na thendregedza a mi sihela khovbe yaye, mwa gu vbindrugedzani mu wuya gwaye.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 103:8

Pfhumu Nungungulu a na ni wuhigo ni wuwadi a ngu timisela na tade khu lihaladzo.

Dzindzimo 103:9

Kha hi tsayisi gikhati gyatshavbo, ni likhulo laye kha li simami kala gupindruga.

Dzindzimo 145:8

Pfhumu Nungungulu khwadi, tade khu wuhindzi, a ngu timisela, a na ni wuhindzi nya wukhongolo.

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Jeremiya 11:6

Pfhumu Nungungulu a engedza a nyi embela, khuye: Tivisa madhoropani gwatshavbo ga Judha ni mudzindzilani dza Jerusalema magana yaya, khuwe: Yingisani magana yaya nya gidzumeledzwano, mu bwelo khavbo mu ma landrisa.

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 23:8

“Aholu va na sambanya, khavo: Hi ngu sambanya khu Pfhumu Nungungulu a vbanyago, khuye a residego livelego la na Israyeli khu mayigoni ga Wuronga ni mayigoni gwatshavbo va thavedego umo; gambe avo va na wuya tigoni gwawe nya mavelego.”

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 3:5

“U na vegedza likhulo laye gikhati gyatshavbo, gani? Mwendro u na mu sayisa gikhati gyatshavbo? Wona, u ganede esi khu likana basi, aholu u di simama gu ghoha.”

Jeremiya 3:7

Nyi di alakanya gukheni hwane nya gu bani giride sighoho satshavbo sesi, mwendro saye a na wuya eno gwangu, aholu uye kha wuya ndriyaye nya mukanganyisi, Judha a si wone satshavbo sesi.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Ezekiyeli 11:17

Khu guralo, va embele, khuwe: Mune, Pfhumu Nungungulu a ngu ganela kharati, khuye: Eni nyi na mi tombanisa vbakari nya mayigo, nyi mi wuyisa khu mayigoni mu phalalegidego umo, nyi mi ninga litigo la Israyeli.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Levhi 26:40

Aholu, va gu dzi laya khu guvivba gwawe, ni guvivba ga vababe vawe, khu sihoso va nyi giridego; va gu dzi dzi laya khu gu na va hambanide ni dzindzila dzangu,

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Dhewuteronome 30:2

wa gu vbindrugedza u wuya ga Pfhumu Nungungulu wago uwe gumogo ni sanana sago, khu monyo wago watshavbo ni hefemulo wago watshavbo, u yingisa lito laye mayelano khu satshavbo esi muhuno nyi gu leletelago;