Jeremiya 29:8 - Bhibhiliya Nya Guage

⁸ Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 29:8 Iomraidhean Croise

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 23:21

Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 23:25

Nyi yingiside malipha ma ganedwego khu vaprofeti khu lina langu, avbo eni nyi ngamba va ninga siwoniso soso, va ganela, khavo: Hi di loriswa! Hi di loriswa!

Jeremiya 23:27

Mwa gu alakanya gukhenu, miloro va tshamuselago yi na gira gu vathu vangu va divaledwa khu lina langu khu kotani nya miloro yawe va tshamuselanago khu gyawe, va si nyi alakanyi kha nga vababe vawe va nyi digidego gu nyi ninga githawo, va ya khozela vanungungulu nya Vabhahali, gani?

Jeremiya 27:9

Khu guralo, mu nga yingiseni vaprofeti vanu, valoli vanu nya dzisolo, valori vanu nya dzindroro, dzinyanga dzanu gumogo ni va nya gufemba ni va nya wuloyi vanu, va gu ganela gwanu, khavo: Mu nga thumelini mufumeli wa Bhabhiloni.

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 29:1

Aya khu magana nya lidangalila muprofeti Jeremiya a nga li rumelago ga mitshaledwa nya madhota, vaphasi nya mhamba, vaprofeti ni ga vathu vatshavbo va nga bani vari wugumbini, va nga vbagedwago khu Jerusalema khu Nabhukodhonosori a va yisa Bhabhiloni.

Jeremiya 29:15

Kholu enu mu nga gu tiya mu ganela, khenu: “Pfhumu Nungungulu, na hiri Bhabhiloni, a hi wusede vaprofeti.”

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 37:9

Pfhumu Nungungulu a ngu ganela kharati, khuye: Mu nga dzi kanganyisi khu gukhenu: Vakalidhiya va na dugela muphelo, kholu avo kha va na hongola.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 13:6

Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Matewu 24:24

kholu va na dugelela Vakristo ni vaprofeti nya malipha, va na gu girago siliwugiso nya sikhongolo, gule nya gu, samba gwadi, ambari sihathwa si na pengiswa niso.

Luka 21:8

Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Luka 6:26

“Libango lanu mwa gu zundzwa khu vathu vatshavbo. Khidzo kharati vababe vawe va nga bani va gu gira ni vaprofeti nya malipha.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vaefeso 5:6

Mu nga dzumelini gu sengwa khu muthu khu magana nyamba phasa gilo, kholu sighoho nya nga esi khiso si ranago likhulo la Nungungulu ga ava nyamba yingisa.

2 Vatesalonika 2:3

mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.