Jeremiya 29:26 - Bhibhiliya Nya Guage

²⁶ Pfhumu Nungungulu a gu giride muphasi nya mhamba wulangani ga muphasi nya mhamba Joyadha, gasi u khala muthangeli wa Nyumbani gwa Pfhumu Nungungulu, gasi muthu watshavbo a handrugago a dzi gira muprofeti, u mu hunga khu makhetshe ni dzitshinga, u mu thela pasoni.

Jeremiya 29:26 Iomraidhean Croise

2 Dzipfhumu 11:15

Aholu muphasi nya mhamba Joyadha a di leletela vathangeli nya mitsawa nya lizana (100) va nga bani va thangela masotshwa, khuye: “Mu duseni vbavbandze nya tshatsha, gambe muthu nya gukari a gu mu landra mu songeni khu litshari.” Kholu muphasi nya mhamba a di ganela, khuye: “Mu nga mu songini Nyumbani ga Pfhumu Nungungulu.”

2 Dzipfhumu 11:18

Vathu va tigoni va di ya bela nyumbani ga Bhahali, va ya yi khungumulela gumogo ni gu pandrelela siluvelo saye ni sifananiso saye, va songa Matani, muphasi nya mhamba wa Bhahali vbafuvbi ni siluvelo; khavbo avbo, muphasi nya mhamba a di emisa vasayisi va Nyumbani ga Pfhumu Nungungulu.

2 Dzipfhumu 9:11

Gikhati Jewu a dugidego a hongola ga sithumi sa mune waye, si di mu wudzisa, khiso: “Gwadi ulolo, gani? Muthu yoyo nya guhandruge a di tela ginani avbo gwago?” Uye a di va hakha, khuye: “Mu ngu muti gwadi muthu yoyu ni maganelelo yaye.”

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

2 Dzikoronika 18:26

Mu na mu embela, khenu: Mufumeli a ngu ganela, khuye: Thelani mwama yoyu nyumbani nya lipaso, mu mu hodzisa guhodza ni mati nya tshikwi, kala eni nyi wuya khu gurula.”

Jeremiya 29:27

Gasi olu, ginani gi gu giridego u ngamba kawuka Jeremiya, Muanatoti, oyu a profetago vbakari gwanu?

Jeremiya 38:28

Jeremiya a di simama gu khala likupakupani nya dzighadhi kala guphangwa ga Jerusalema.

Jeremiya 38:6

Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Marko 3:21

Valongo vaye, na va pwide esi, va dita gasi guta mu dzega, kholu va di pimisa nya gukhavo a di handruga.

Johane 10:20

Nya vangi, va di khavo: “Handrugide; kha giti igyo a ganelago. Khu ginani mu mu yingisago?”

Johane 10:33

Vajudha va di hakha, khavo: “Kha hi vbweti gu gu pfara khu mithumo yago nya yadi; aholu khu mapepetela nya guvbwete gu dzi gira Nungungulu nuri muthu.”

Johane 8:53

Ina uwe u khongolo guvbindra babe wathu Abrahama, a ngafago? Ni vaprofeti va fudego navo? Gasi wa gu dzi gira mani uwe?”

Mithumo 16:24

Na hakhide nayo yoyu, a di va dzega a va thela pasoni, a va hunga liphili mawundruni.

Mithumo 26:11

Dzinyondro dzingi, eni nyi di bela dzinyumbani nya nombelo nyi va ninga sisaniso nya sikhongolo, khu gufela gukheni va dange gukhodwa gwawe. Khu kotani nya likhulo nyi nga bani nyiri nalo gwawe, nyi di va tutumisela kala ni madhoropani ya mayigoni ya vbavbandze.

Mithumo 26:24

Pawulo, na nga guganela magana yaya, Festo a di khusa lito a ganela, khuye: “U handrugide, Pawulo! Sihevbulo sago nya gulaphe si gu vbungude mapimo.”

Mithumo 26:25

Pawulo a di hakha, khuye: “Kha nya handruga, mufumeli wangu. Nya gu ganela mahungu nya lisine ni gupima.

Mithumo 4:1

Na va gu ganela vbakari nya vathu, va di vboha vaphasi nya mhamba, ni muthangeli nya Nyumba ya Nungungulu, ni vasadhusi.

Mithumo 5:18

va mola vapostoli va gu va thela pasoni.

Mithumo 5:24

Na va pwide magana yaya, muthangeli nya Nyumba ya Nungungulu gumogo ni vakhongolo nya vaphasi nya mhamba, va di liwuga ngudzu va gu dzi wudzisa avo vamune, khavo: “Gu na bani ari ginani silo sesi.”

2 Vakorinto 11:33

Aholu, va di nyi thela gitundruni va nyi tshisa khu vbagihogotunu, gi nga bani giri libhiyoni nya lidhoropa, khayo magirelo nyi nga vbulugisa ayo mandzani gwawe.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.