Jeremiya 29:23 - Bhibhiliya Nya Guage

²³ kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 29:23 Iomraidhean Croise

Genesi 31:50

Wa gu tshanisa sanana sangu, mwendro gu dzega vambe vanyamayi gu diga nya avo, ambari a gu mwalo muthu ni ethu avba, alakanya gukhuwe Nungungulu i fakazi ga eni ni uwe.”

Genesi 34:7

Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

2 Samuweli 13:12

Aholu Tamari a di mu embela, khuye: “Ahihi ndriyangu, u nga nyi gurumedzi gu gira silo nya nga isoso, kholu omu tigoni ga Israyeli, kha va giri silo nya guhandruge nya isoso.

Mavingu 5:21

Pfhumu Nungungulu gikhati gyatshavbo a gu khevisela dzindzila nya muthu a mu khedza gwadi ni magimbilelo yaye.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 23:21

Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:31

Rumela gu embedwa vatshavbo va vbagedwego mayelano khu Simaya, Muneyemi, khuwe: Kha nga olu Simaya, a nga dzi gira muprofeti avbo gwanu, mu khodwa gwaye khu malipha na sa rumwa kheni,

Jeremiya 5:8

va di fanana ni dzikavalu nya vamatune dzi nonidego, na dzi gu dogorela edzi nya migadzi, muthu ni muthu a emba khu gu dogorela mwangadzi wa muakelane waye.

Jeremiya 7:11

Gasi nyumbani momu, li khozedwago umo lina langu, mahoni gwanu mwa gu li wona nari liphala nya gusihale umo dzimbafa, gani? Khalani na mu gu dziti nya gukhenu eni nyi si wone isoso, a ngu ganela Pfhumu Nungungulu.

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Malakiya 2:14

Gambe mu nga gu wudzisana, khenu: “Khu ginani?” Kholu Pfhumu khade fakazi vbakari gwago ni mwangadzi nya wudzaha wago, oyu uwe u ngamba tumbega gwaye, ambari a nga bani ari uye mubangaladzi wago ni nyamayi u hungidego naye gidzumeledzwano nya dzegano.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 3:14

Lovela ngilozi ya libandla la Lawodhikeya, khuwe: “Wule a gu uye, Amen, a gu fakazi nya guthembege nya lisine a gu uye guphela nya sivangwa sa Nungungulu, wari, khuye:

Valamuli 11:10

Vathangeli va Gileyadhi va di phindrula, khavo: “Pfhumu Nungungulu a na khala fakazi vbakari gwathu; hi na gira satshavbo u na ganelago.”