Jeremiya 29:19 - Bhibhiliya Nya Guage

¹⁹ Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 29:19 Iomraidhean Croise

Jeremiya 25:8

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Kha nga olu mu ngamba yingisani magana yangu,

Jeremiya 26:5

mwa gumba yingisa gambe magana ya sithumi sangu, vaprofeti, a gu avo nyi mi rumelago gikhati gyatshavbo, gambe kala ni olu mu si va yingisago,

Jeremiya 32:33

Ambari ulo nyi nga bani nyi va ninga sileletelo sangu, avo kha va dzumela gu nyi yingisa, va di nyi pfhurarela va bomba gu hevbudzwa.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 44:3

khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.