Jeremiya 29:18 - Bhibhiliya Nya Guage

¹⁸ Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 29:18 Iomraidhean Croise

2 Dzikoronika 29:8

Khu guralo, li dzude likhulo nya likhongolo la Pfhumu Nungungulu, vbakari ga na Judha ni Jerusalema, a va ningela gumbembiswani, va legalega va khala gihegiso kha nga mu si wonago khu maho yanu.

Dzindzimo 44:11

Uwe u hi ningede kha nga dzinvuta nya guye gusindzwatunu u hi phalalegiside vbakari nya mayigo.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 19:8

Lidhoropa leli li khala gisamadziso ni gihegiso; watshavbo a na vbindrago khavbo a na samala a womba ndrodzi, khu kotani nya dzimhango dzaye nya dzikhongolo.

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 29:17

Pfhumu Nungungulu a ngu ganela kharati, khuye: Wonani nya gukhenu nyi na va rumela dzinyimbi, ndzala ni mitungu, nyi na va wona kha nga dzindzawa dzi hinidego, nyamba yela gu hodzwa khu muthu.

Jeremiya 29:22

Gu na dzegwa avbo gwawe magana nya givalo nya dzikhumbi dza Judha dzi guromo Bhabhiloni, khavo: “Pfhumu Nungungulu a na gu gire nga Zedhekiya ni Akabi, avo va nga vbiswa khu nilo na va guvbanya khu mufumeli wa Bhabhiloni;

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Ezekiyeli 12:15

Khu kharati, va na dziti gukhavo kheni Pfhumu Nungungulu, gikhati nyi na gu va phalalegisago vbakari nya mifumo, va legalega ni mayigo.

Ezekiyeli 22:15

Nyi na gu phalalegisa vbakari nya mayigo, nyi gu legalegisa vbakari nya mambe mayigo, nyi na vbedza manyala yago yatshavbo.

Ezekiyeli 23:46

Mune, Pfhumu Nungungulu a ngu ganela kharati, khuye: Nyi na va rumela gidzemo nya gingi, nyi va ningela pfilupfiluni ni guphangwani.

Ezekiyeli 36:19

Nyi na va phalalegisa ni mayigo, avo va di phalalegiswa vbakari nya mahundzu; eni nyi na va lamula gukhedza khu mavbanyelo ni mithumo yawe.

Ezekiyeli 5:15

Uwe u na khala gilo nya gihegiso ni givalo, u vbindrugedza u khala giyeyedzo nya gisamadziso ga vathu nya vaakelane vago, gikhati nyi na gu tsayisago khu likhulo, khorodza ni sitsayiso nya gulemele. Eni, Pfhumu Nungungulu nyi ganede kharato.

Ezekiyeli 6:8

Aholu nyi na tshiya vadugwana; vambe vanu va na vbuluga gu songwa gasi va kodza guphalalegiswa va yiswa ga mambe mayigo.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Zakariya 7:14

Uye a di va phalalegisa khu phuvbo nya gingulu vbakari nya mayigo yatshavbo va nga bani va si mati; hwane gwawe, litigo li di tshala li phangwa khu gu avo na va dugide, mwalo muthu a na vbindrago, mwendro gu bela ni gu duga gambe khumo. Kholu va dzegide litigo nya ladi nya wurendra va li vbindrugedza li khala giwula.

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

Mitengo 5:27

Hwane nya gu bani a mu sedzide mati, uye a gu bani a dzi nyenyeziside, ni gu bani a ghohede mwama waye, mati nya gugire givalo ma na bela ndrani gwaye ma mu pwisa wuvi, girumbu gyaye gi na simba, ni gu a na khala gyumba; nyamayi yoyo a na khala givalo vbakari ga vathu vawe.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:37

U na khala gipoyilo ni gisamadziso, vbakari nya vathu vale Pfhumu Nungungulu, a na gu yisago gwawe.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.