Jeremiya 29:14 - Bhibhiliya Nya Guage

¹⁴ Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 29:14 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 126:1

Avbo Pfhumu Nungungulu a nga wuyisa sanana sa Siyoni, gu di gira gukhwatshi ha gu lora.

Dzindzimo 126:4

Pfhumu Nungungulu, vbindrugedza wugumbi wathu wu khala litsako; wu fanana ni mitsongo ya Marandzi.

Dzindzimo 32:6

Khu guralo, watshavbo uye a gu gihathwa gyago, a na lomba gwago gikhati nya sigaradzo, wa gu manega talo nya ndrambi, uye gima kha na vbohedwa khuwo.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 45:19

Kha nya ganela gusihalani, mwendro wulangani nya gidema; kha nya embela gitugulwana gya Jakobe, kheni: Nyi vbweteni mahala; Eni Pfhumu Nungungulu, nya gu ganela lisine, ni gu tivisa iso si lulamidego.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 31:16

Pfhumu Nungungulu a ngu ganela kharati, khuye: Bavbula marongo u diga gu lila! Kholu gutshanisekani gwago u na mana tshatshazelo; a ngu ganela Pfhumu Nungungulu, sanana sago si na wuya khu tigoni ga valala vago.

Jeremiya 31:17

Pfhumu Nungungulu a ngu ganela, khuye: Uwe u ngari ni gitumbo ga matshigu ma nga gutago, kholu sanana sago si na wuya tigoni gwawe.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Jeremiya 51:10

Pfhumu Nungungulu a hi lamulede; hongoleni Siyoni hi ya tivisa vambe, iso hi giredwego khu Pfhumu Nungungulu wathu.

Jeremiya 8:3

Ni vatshavbo avo va nga tshalago ga lifumbu lolo nya guvivbedwe khu monyo, va na vbweta gufa guvbindra guvbanya, malangani yatshavbo nyi na gu va lundrago vaya umo, a ngu ganela Pfhumu Nungungulu nya Tshivba Yatshavbo.

Ezekiyeli 37:21

Khu guralo, va embele, khuwe: Mune Pfhumu Nungungulu, a ngu ganela kharati, khuye: Nyi na dusa sanana sa Israyeli khu mayigoni va thavedego umo, nyi na va tombanisa khu maphuvbo yatshavbo, nyi va resa tigoni gwawe nya mavelego.

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Mikeya 4:12

Aholu, ayo kha ma mati maalakanyo ya Pfhumu Nungungulu, gambe kha va pimi makungo yaye, kholu a va wungedzede nga dzinyandra vbagithalatunu.

Sofoniya 3:20

Khu gikhati gyogyo, avbo nyi na gu bani nyi mi tshanganiside nyaluphye, nyi na mi thangela mbeli, nyi mi ningani lina nya wudhumo vbakari ga mafumbu yatshavbo ya tigoni, avbo nyi na gu wuyisago dzikhumbi dzanu dzatshavbo dzi nga bani dzi vbagedwe na mu gu dzi wona khu maho yanu, a ngu ganela Pfhumu Nungungulu.

Varoma 10:20

Isaya a ngu tiya gu ganela, khuye: “Nyi manidwe khu vale va nga bani va si nyi vbweti; nyi dzi wonegiside ga vale va nga bani va si nyi wudziseli.”

Dhewuteronome 30:1

Khu guralo, gikhati si na gu gu dugelela, silo satshavbo sesi nyi si ganedego gwago, nya makategwa ni mabango, wa gu si alakanyela khu monyoni gwago nuri vbakari nya mayigo yatshavbo ayo Pfhumu Nungungulu wago, a na gu phalalegisago ga ayo;

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.

Dhewuteronome 30:5

Pfhumu Nungungulu wago, a na gu wuyisa ga litigo li nga fumedwago khu vababe vago, u ta li fumela. Uye a na gu kategisa gwadi a gu andrisa ngudzu mu tala guvbindra vababe vago.

Dhewuteronome 4:7

Kholu, khu levbini limbe litigo li gu na ni vanungungulu va guromo vbafuvbi gwawe nya gufanane ni Pfhumu Nungungulu wathu, ga dzinyondro dzatshavbo hi mu lombelelago?