Jeremiya 28:9 - Bhibhiliya Nya Guage

⁹ Gambe muprofeti a gu profeta khuye, gu na manega gurula, magana yaye ma tadzisega, khavbo a gupwani lisine, rumidwe khu Pfhumu Nungungulu.

Jeremiya 28:9 Iomraidhean Croise

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 14:13

Khavbo avbo, eni nyi di mu phindrula, kheni: “Oh! Pfhumu Nungungulu, wona nya gukhuwe vaprofeti va gu va embela, gukhavo: Gima kha mu na sasedwa khu matshari, ni gu wona ndzala; aholu a na mi resela gurula nya gutiye wulangani wowu.”

Jeremiya 4:10

Khavbo avbo, eni nyi di ganela, kheni: “Ah! Pfhumu Nungungulu! Khu lisine U kanganyiside vathu vava gumogo ni Jerusalema, khuwe: Va na mana gurula; nga wona olu matshari ma va payago kala vbamonyotunu.”

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Ezekiyeli 33:33

“Aholu esi u ganelago si na girega! Khu gikhati gyogyo, khavbo va na dzitigo gukhavo a di romo vbakari gwawe muprofeti nya gukari.”

Dhewuteronome 18:21

Wa gu ganela khu monyoni gwago, khuwe: “Nyi na mati kharini magana yaya, olu Pfhumu Nungungulu a ngamba ganela?

Dhewuteronome 18:22

Dziti gwadi nya gukhuwe muprofeti yoyu a gu ganela khu lina la Pfhumu Nungungulu, aholu magana yaye ma si landriswi, ni gumba dugelela kha nga idzo a nga profetago khidzo, gu yeyedza gupwani magana yoyo khandri ya Pfhumu Nungungulu; a ma ganede khu matshandza yaye muprofeti yoyu; u nga thedwi hwanga khuye.”