Jeremiya 28:4 - Bhibhiliya Nya Guage

⁴ Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Jeremiya 28:4 Iomraidhean Croise

Genesi 27:40

U na vbanya khu litshari lago u na khala githumi gya ndriyago, aholu mugugimbilani gwago nya gulegalege, u na tshula kanga waye thamoni gwago.”

2 Dzipfhumu 24:14

A di vbagela vatshavbo va Jerusalema, gumogo ni dzindruna, ni vama vatshavbo nya guthavisege, vatshavbo va diri likhumi magumi mazana (10.000) sibotshwa, vavati vatshavbo ni vapfhuli nya dzisimbi; mwalo a nga tshalago, vbavbandze basi ga sisiwana sa tigoni.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 13:19

“Madhoropa ya Marandzi ma segidwe, mwalo a kodzago gu ma tula; vatshavbo va na Judha va vbagedwe va yiswa wugumbini; vatshavbo va hongode kha ga tshala muthu.”

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Jeremiya 24:1

Pfhumu Nungungulu a di nyi yeyedza situndru sivili nya gutale khu dzindzawa na si vegidwe Nyumbani gwa Pfhumu Nungungulu, hwane nya gu Nabhukodhonosori, mufumeli wa Bhabhiloni, na vbagede Jekoniya, mwamana wa Jowakimi, mufumeli wa Judha, gumogo ni dzindruna dza Judha, ni vameseri, ni vabethi nya dzisimbi dza Jerusalema, a va yisa wugumbini Bhabhiloni.

Jeremiya 24:5

“Pfhumu Nungungulu wa Israyeli, a ngu ganela kharati, khuye: Kha nga u wonago dzindzawa dzedzi nya dzadi, nyi na gira gambe kharati ga vathu va vbagedwego va na Judha, va yiswa wugumbini nyi nga va yisago tigoni nya Vakalidhiya, hwindzo ni wulanga wowu, Eni nyi na va sayisa gwadi va fanana ni dzindzawa dzedzi.”

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 28:10

Khavbo avbo, muprofeti Hananiya a di dzega kanga wu nga bani wuri thamoni ga muprofeti Jeremiya, a wu fanyeledzela;

Jeremiya 28:2

“Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Nyi fanyide kanga wa mufumeli wa Bhabhiloni.

Jeremiya 29:1

Aya khu magana nya lidangalila muprofeti Jeremiya a nga li rumelago ga mitshaledwa nya madhota, vaphasi nya mhamba, vaprofeti ni ga vathu vatshavbo va nga bani vari wugumbini, va nga vbagedwago khu Jerusalema khu Nabhukodhonosori a va yisa Bhabhiloni.

Jeremiya 29:2

Hwane nya gu bani va dugide khu Jerusalema, mufumeli Jekoniya, pfhumugadzi mayi waye, mithenwa, dzindruna dza Judha ni Jerusalema, vavati ni vabethi nya dzisimbi, na va gu vbagedwe va yiswa Bhabhiloni.

Jeremiya 30:8

Pfhumu Nungungulu nya Tshivba Yatshavbo, a ngu ganela, khuye: “Khu litshigu lolo, nyi na fanya kanga wu lemelago dzithamoni gwawe, nyi kavila ni dzingodzi dzakone; vathu vava gima kha va na nga khala gambe dzikhumbi dza va nya mayigo.”

Levhi 26:13

Eni kheni Pfhumu Nungungulu wanu, nyi mi dusidego khu tigoni ga Egipito, gasi mu si simami gu khala dzikhumbi dzawe; nyi kavilede makhetshe nya kanga wanu, gasi mu gimbila na mu ololokide henu tshwi.

Nahume 1:13

Gasi olu, nyi na fanya kanga u wu rwadego magatani gwago nyi kavilela ni dzitshinga dzi gu hungidego.