Jeremiya 28:3 - Bhibhiliya Nya Guage

³ Hwane nya gu bani na gu vbindride myaga mivili, nyi na wuya gambe ga wulanga wowu, nyi resa sombo satshavbo sa Nyumbani gwa Pfhumu Nungungulu, iso si nga dzegwago khu Nabhukodhonosori, mufumeli wa Bhabhiloni a hongola naso.

Jeremiya 28:3 Iomraidhean Croise

Genesi 47:28

Jakobe vbanyide likhumi na livbandre na mivili myaga tigoni ga Egipito; matshigu nya guvbanye gwaye lizana ni magumana na livbandre na mivili (147) myaga.

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

2 Dzikoronika 36:7

Nabhukodhonosori a di dzega gambe ni simbe sombo sa Nyumbani ga Pfhumu Nungungulu, a si yisa Bhabhiloni aya si vega nyumbani ga vanungungulu vaye va Bhabhiloni.

Dzindzimo 90:10

Matshigu nya guvbanye gwathu ma gu dingana livbandre na mavili magumi (70), avo va gu ni tshivba va gu vbohisa livbandre na mararu magumi (80), aholu myaga yoyo yi tade khu sigaradzo ni gu tshaniseka, ya gu vbindra khu guvbiredza, ethu hi mwalalega.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.