Jeremiya 28:17 - Bhibhiliya Nya Guage

¹⁷ Muprofeti Hananiya a difa khu ngima nya livbandre na wuvili, nya mwaga wowo.

Jeremiya 28:17 Iomraidhean Croise

2 Dzipfhumu 7:20

Khu guralo, si di mu dugelela kholu, vathu va di mu gandredzela vbanyangwatunu, afa avbovbo.

Jeremiya 23:31

Pfhumu Nungungulu a ngu ganela, khuye: Nya gu dwana ni vaprofeti vovo va dzi profetago magana ya myonyoni gwawe; va ganela khavo, khuye a ganelago.

Jeremiya 28:1

Khu mwaga wa moyo, guphelani nya gufume ga Zedhekiya, mufumeli wa Judha, khu ngima nya livbandre, nya mwaga nya wu na, Hananiya, mwamana wa Azuri, muprofeti wa Gibheyamu, a dita nyi embela Nyumbani ga Pfhumu Nungungulu, mbeli ga vaphasi nya mhamba ni vathu vatshavbo, na va gu sipwa, khuye:

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Jeremiya 29:1

Aya khu magana nya lidangalila muprofeti Jeremiya a nga li rumelago ga mitshaledwa nya madhota, vaphasi nya mhamba, vaprofeti ni ga vathu vatshavbo va nga bani vari wugumbini, va nga vbagedwago khu Jerusalema khu Nabhukodhonosori a va yisa Bhabhiloni.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.