Jeremiya 28:16 - Bhibhiliya Nya Guage

¹⁶ Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Jeremiya 28:16 Iomraidhean Croise

Genesi 7:4

Ndrani nya livbandre na mavili matshigu nyi na gira ndzadzi yi guwa tigoni gipimo nya magumana matshigu, wutshigu ni mihani, nyi mbembisa kharato sivangwa satshavbo nyi si giridego mafuni momu.”

1 Dzipfhumu 13:34

Egi khigyo givangelo nya gighoho nya ndranga ya Jerobhowamo, gu kala yi mbembiswa ni gu fuviswa mafuni.

Ekisodha 32:12

Khu ginani u vbwetago gu ninga wulanga Vagipiti va kodza gu ganela, khavo: Nungungulu a di gira litsoro a va dusa khu gufela guya va songa musigomoni, a va fuvisa mafuni! Rula monyo wago, u bosa likhulo lago, u vega hwindzo mapimo nya gugirele guvivba vathu vago!

Jeremiya 20:6

Aholu, uwe Pasuri, gumogo ni ngamo yago, mu na vbagedwa mu yiswa wugumbini Bhabhiloni; u na yafa u dzingwa iyoyo uwe gumogo ni dzipari dzago dzatshavbo u giridego nadzo wuprofeti nya malipha.

Jeremiya 28:17

Muprofeti Hananiya a difa khu ngima nya livbandre na wuvili, nya mwaga wowo.

Jeremiya 28:3

Hwane nya gu bani na gu vbindride myaga mivili, nyi na wuya gambe ga wulanga wowu, nyi resa sombo satshavbo sa Nyumbani gwa Pfhumu Nungungulu, iso si nga dzegwago khu Nabhukodhonosori, mufumeli wa Bhabhiloni a hongola naso.

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.

Mitengo 14:37

Avo vama vale va nga ganelago guvivba khu litigo, va difa khu tungu mbeli ga Pfhumu Nungungulu.

Mitengo 29:32

Khu litshigu nya livbandre na mavili, mu na ningela livbandre na dzimbili dzimombe, dzihamba dzimbili ni likhumi na dzina dzinvutana nya mwaga moyo, nyamba hasa,

Dhewuteronome 6:15

kholu Pfhumu Nungungulu wago, a guromo vbakari gwanu, Nungungulu nya wufu, gasi likhulo laye li si khondri li gu fuvisa mafuni.