Jeremiya 28:15 - Bhibhiliya Nya Guage

¹⁵ Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 28:15 Iomraidhean Croise

1 Dzipfhumu 22:23

Pfhumu Nungungulu thede liphuvbo nya malipha kanani ga vaprofeti vago vatshavbo. Aholu Pfhumu Nungungulu tiviside libango li tago avbo gwago.

Jeremiya 20:6

Aholu, uwe Pasuri, gumogo ni ngamo yago, mu na vbagedwa mu yiswa wugumbini Bhabhiloni; u na yafa u dzingwa iyoyo uwe gumogo ni dzipari dzago dzatshavbo u giridego nadzo wuprofeti nya malipha.

Jeremiya 23:21

Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 23:31

Pfhumu Nungungulu a ngu ganela, khuye: Nya gu dwana ni vaprofeti vovo va dzi profetago magana ya myonyoni gwawe; va ganela khavo, khuye a ganelago.

Jeremiya 27:15

Kholu Pfhumu Nungungulu wari, khuye: Khandri eni nyi va rumidego, avo va gu profeta malipha khu lina langu, gasi Eni nyi mi phalalegisa mu mbemba enu gumogo navo va profetago isoso.”

Jeremiya 28:11

a ganela mbeli nya vathu vatshavbo, khuye: “Pfhumu Nungungulu a ngu ganela kharati, khuye: Gu na girega kharato, hwane nya myaga mivili, nyi na bani nyi fanyide kanga wa Nabhukodhonosori, mufumeli wa Bhabhiloni a wu rwegidego dzithamoni nya mayigo yatshavbo.” Khu guralo, muprofeti Jeremiya a di khuga a hongola.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 7:8

Aholu enu mwa gu dzi kanganyisani mwabune khu gu landrisa magana ma si phasigo gilo.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Ezekiyeli 13:6

Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.

Ezekiyeli 13:9

Gyandza gyangu gi na wugela vaprofeti va girago siwoniso nya wukanganyisi ni nyatumbatumbane nya malipha. Avo kha va na lumba huwo nya vathu vangu, kha va na lovedwa libhukuni nya vathu va Israyeli, gambe kha va na bela tigoni ga Israyeli. Khu guralo, enu mu na dzitini gukhenu Eni kheni Mune Pfhumu Nungungulu.

Ezekiyeli 22:28

Vaprofeti vawe va gu dzi pendra khu phembe va gu pfhadza vathu khu siwoniso nya wukanganyisi ni gu sasuledza malipha. Va ganela, khavo: Mune Pfhumu Nungungulu a ganede kharati; nari gu Pfhumu Nungungulu kha ganela gilo.

Zakariya 13:3

Ni wevbini muthu a na yedzago gu gira wuprofeti, babe ni mayi waye va nga mu velegago, va na mu embela, khavo: “Khu na nga vbanya, kholu u ganede malipha khu lina la Pfhumu Nungungulu; avbo a na phelago gu profeta, babe ni mayi waye va nga mu velegago, va na mu paya afa nari vbakari nya guprofete.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.