Jeremiya 27:5 - Bhibhiliya Nya Guage

⁵ Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Jeremiya 27:5 Iomraidhean Croise

Genesi 1:25

Nungungulu a di vanga mafumbu yatshavbo nya sirengo nya likhabi ni mafumbu yatshavbo nya sifuyo, ni mafumbu yatshavbo nya sirengo si khwirirago khu lididi mafuni. Nungungulu a di si wona gukhuye satshavbo khyadi.

Genesi 9:6

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

1 Dzipfhumu 8:42

(kholu va napwa ndruma nya Lina lago nya likhongolo, ni gyandza gyago nya tshivba, ni libogo lago li khusegidego) muthu yoyo a guta lombelela nyumbani momu;

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Nehemiya 9:22

Bwelo khavbo U va ningide mifumo ni mayigo yawe, U ma kabanisela khu sipandre, khu guralo, va di fumela litigo la Seyoni, litigo la mufumeli wa Hesibhoni ni litigo la Ogi, mufumeli wa Bhasani.

Dzindzimo 102:25

U tiyiside mafu gukhugela guhegulani; ni ndzadzini i thumo nya mandza yago.

Dzindzimo 96:5

Kholu vanungungulu vatshavbo va nya mayigo, khandri vanungungulu sifananiso basi, aholu, Pfhumu Nungungulu, giride ndzadzini.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 45:12

Kheni nyi vangidego mafu nyi bwelo khavbo nyi vanga muthu, a vbanya umo; nyi thawuludzide ndzadzini khu mandza yangu, nyi ninga nayo mabutho yaye yatshavbo.

Isaya 48:13

Giseketelo nya litigo gi tsitsidwe khu mandza yangu, khu libogo langu la nyamudye nyi ladzide damboni; me ni gu si rana, sa guta khu gumogo satshavbo.

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Jeremiya 27:4

Pfhumu Nungungulu nya Tshivba Yatshavbo, Nungungulu wa Israyeli, a di ganela kharati, khuye: U na va embela va yisa magana yaya ga vamune vawe va ya va embela, khavo:

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 51:15

Pfhumu Nungungulu, khuye a vangidego mafu khu tshivba yaye; khu guti gwaye a vangide litigo, khu mapimo yaye a fenengedzide ndzadzini.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:22

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 17:24

Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Dhewuteronome 2:19

u gu vboha mbeli ga sanana sa Amoni; u nga va dwanisi gambe u nga va khuti, kholu litigo la sanana sa Amoni kha nyi na gu ninga li khala thomba yago, kholu nyi li ningede ga sanana sa Loti kha nga thomba yawe.

Dhewuteronome 2:21

vathu nya gutale nya sidandrangulu kha nga Vaanaki; Pfhumu Nungungulu a di va mbembisa mbeli ga va na Amoni; avo, va di va tutumisa, va khala avo wulangani gwawe;

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Dhewuteronome 2:9

Khavbo avbo, Pfhumu Nungungulu a di nyi embela, khuye: U nga khuti va na Mowabhi, a gu situgulwana sa Loti ambari gu va dwanisa, kholu kheni nyi va ningidego gipandre gegi gya Ari gambe kha nyi na gu ninga ni gipandryana gimwegyo nya litigo lawe.

Dhewuteronome 32:8

Gikhati Uye a Khusegidego ngudzu a nga bani a kabanisela dzithomba mayigo, gikhati a nga bani na kavedzela khu mahundzu sanana sa Adhamu, a di vegedzela mivbingano nya mayigo, gu khedza khu tengo nya sanana sa Israyeli.

Dhewuteronome 4:17

nya gufanane ni girengo nya gukari gya mafuni, mwendro nya gufanane ni ginyoni gevbi ni gevbi gi vbuvbago damboni;

Dhewuteronome 4:25

Khu guralo, gikhati mu na gu velegago sanana ni vatugulu, mu gumba mafuni momu, mwa gu dzi nyenyezisa, mu girani gifananiso nya gukari nya guwumbwe, gi fananago ni gilo nya gukari, mu girani guvivba mahoni ga Pfhumu Nungungulu wanu, gasi gu mu gorogisa,

Dhewuteronome 4:32

Khu guralo, olu wudzisa ga gikhati gi vbindridego, gile gi gu thangedego, gukhugela litshigu Nungungulu a vangidego muthu mafuni, gukhugela mahegiso nya ndzadzi kala mambe mahegiso, ina gu di nga manega gilo nya gufanane mwendro muthu a nga pwago gilo nya nga egi, gani?

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 5:16

Rungudza babe ni mayi wago, kha nga idzo a gu rumidego khidzo Pfhumu Nungungulu wago, gasi matshigu yago ma engedzedwa u kodze guya khala gwadi ga litigo u ningwago khu Pfhumu Nungungulu wago.

Dhewuteronome 9:29

“Khu guralo, khavo vathu vago ni thomba yago, u va dusidego wugumbini khu tshivba yago nya yikhongolo ni libogo lago nya wundrena.”

Vakolosi 1:16

Nungungulu vangide khu uye silo satshavbo sa Ndzadzini ni mafuni, esi si wonegago ni esi si si wonegigo, dzitshivba nya maphuvbo, sikhalo nya wufumu, mufumo, vafumeli ni dzitshivba. Nungungulu vangide silo satshavbo khu Kristo, a gu si vangela Kristo.

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Gutuledwa 4:11

“Pfhumu Nungungulu wathu, u ngu yedwa khu gu hakha gidhumo, ni rungudzo ni tshivba, kholu khuwe Muvangi nya silo satshavbo; khu gudzina gwago u si vangide ni gu si tumbulugisa.”