Jeremiya 27:21 - Bhibhiliya Nya Guage

²¹ Lisine, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu mahungu nya sombo si nga tshalago Nyumbani ga Pfhumu Nungungulu niso si nga tshalago nyumbani ga mufumeli wa Judha, Jerusalema:

Jeremiya 27:21 Iomraidhean Croise

2 Dzipfhumu 20:17

Wona nya gukhuwe ma nguta matshigu aya nya gu satshavbo si guromo nyumbani gwago; ni satshavbo si nga hengeledzedwa khu vababe vago kala litshigu la muhuno, si na dzegwa si yiswa Bhabhiloni; Kholu Pfhumu Nungungulu a ganede khuye, gimwalo ni gimwegyo gi na tshidwago.

2 Dzikoronika 36:18

Sombo satshavbo sa Nyumbani ga Nungungulu, nya sikhongolo niso nya sidugwana, dzithomba dza Nyumbani ga Pfhumu Nungungulu, dzithomba dza mufumeli ni manganagana yaye, a di dzega satshavbo a si yisa tigoni ga Bhabhiloni.

Ezira 1:11

Mikanvu yatshavbo nya ndralama, niyo nya parata yi diri livbandre magumi mazana ni mazana mana (5.400); satshavbo sombo sesi si dzegidwe khu Sesibhazari, a wuya naso gikhati avo va nga bani vari wugumbitunu va khugidego khu Bhabhiloni va wuya Jerusalema.

Ezira 1:7

Mufumeli Kiro a di dusa nuye mikanvu ya Nyumbani ga Pfhumu Nungungulu, iyo yi nga phangwago khu Nabhukodhonosori Jerusalema, aya yi vega nyumbani ga vanungungulu vaye.

Isaya 39:6

Wona nya gukhuwe ma nguta matshigu gu na gu satshavbo si guromo nyumbani gwago, ni satshavbo esi nya thomba u nga tshiyedwago khu vavelegi vago si guromo kala muhuno, si na rwadwa si yiswa Bhabhiloni; gimwalo ni gimwegyo gi na tshalago, a ngu ganela Pfhumu Nungungulu.

Jeremiya 20:5

Gambe nyi na ningela mufumo watshavbo nya lidhoropa leli ga valala vago va phanga silo nya lisima, gumogo ni thomba yatshavbo ya vafumeli va Judha, va na dzega ni gu phanga satshavbo va si yisa Bhabhiloni.

Jeremiya 27:20

esi Nabhukodhonosori, mufumeli wa Bhabhiloni, a ngamba si dzega gikhati a nga vbagela Jekoniya, mwamana wa Jowakimi, mufumeli wa Judha, khu Jerusalema a mu yisa Bhabhiloni, gumogo ni vatshavbo vathu nya guthavisege va Jerusalema.

Jeremiya 27:22

“Si na dzegwa si yiswa Bhabhiloni, si naya khala iyo kala litshigu Eni nyi na guya si dzegago, a ngu ganela Pfhumu Nungungulu; khavbo avbo, nyi naya si dzega nyi si wuyisa wulanga wowu.”

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf