Jeremiya 27:19 - Bhibhiliya Nya Guage

¹⁹ Kholu Pfhumu Nungungulu nya Tshivba Yatshavbo a ngu ganela khu mahungu nya madingo, ni mbiya nya yikhongolo nya sugu, ni mawundru nya giluvelo gumogo ni simbe sombo si tshadego dhoropani,

Jeremiya 27:19 Iomraidhean Croise

1 Dzipfhumu 7:23

A di gira gambe yiphwa khu sugu nya gu nyiviligiswe, yi di wonega kha nga mbiya nya yikhongolo nya gupime likhumi mikono gukhugela mahegiso kala mahegiso; na yi khugegide pimo nya livbandre mikono; gugula gwaye yi di pimwa khu keka nya magumararu mikono gulapha wu dzundrulugela maphuvbo yatshavbo.

1 Dzipfhumu 7:27

A di gira gambe likhumi sirandro nya sugu. Girandro ni girandro gi diri ni pimo nya mikono mina gulapha, guanama gwaye, gu diri ni mikono miraru gumogo ni gukhugega.

2 Dzipfhumu 25:13

Vakalidhiya, va di pandrelela madingo yatshavbo nya sugu ma nga bani ma romo Nyumbani gwa Pfhumu Nungungulu, gumogo gambe ni sirandro nya yiphwa nya sugu, si nga bani si romo Nyumbani gwa Pfhumu Nungungulu; sugu wakone va wu dzega va hongola nawo Bhabhiloni.

2 Dzipfhumu 25:17

Gulapha nya lidingo limwedo, li diri ni likhumi na livbandre na miraru mikono, vbatshani gwalo na guri ni gihugu nya sugu, gulapha nya gihugu gu di gu pima mikono miraru, giniya, ni maroma ma nga bani ma dzundrulugela gihugu, ma diri ya sugu khu maphuvbo yatshavbo. Lidingo nya wuvili nilo li diri kharalo.

2 Dzikoronika 36:18

Sombo satshavbo sa Nyumbani ga Nungungulu, nya sikhongolo niso nya sidugwana, dzithomba dza Nyumbani ga Pfhumu Nungungulu, dzithomba dza mufumeli ni manganagana yaye, a di dzega satshavbo a si yisa tigoni ga Bhabhiloni.

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.