Jeremiya 27:16 - Bhibhiliya Nya Guage

¹⁶ Nyi di ganela gambe ni vaphasi nya mhamba gumogo ni vathu vatshavbo nyi va embela, kheni: Pfhumu Nungungulu a ngu ganela kharati, khuye: “Mu nga yingisini magana ya vaprofeti vanu va mi embelago, khavo: Sombo sa Nyumbani ga Nungungulu si na wuya nugunugu khu Bhabhiloni; kholu avo va gu profeta malipha.”

Jeremiya 27:16 Iomraidhean Croise

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

Isaya 9:15

Hungo khu madhota ni vale nya guthavisege, muprofeti a va hevbudzago malipha, khuye a gu ngila.

Jeremiya 27:10

Kholu va gu mi embela malipha, gasi mu vbagedwa mu yiswa hwindzo ni litigo lanu, gasi Eni nyi na mi phalalegisa tigoni gwanu mu mbembisedwa muphelo.

Jeremiya 27:14

Mu nga tshuki mu yingisa magana ya vaprofeti va mi embelago, khavo: Mu nga thumeli mufumeli wa Bhabhiloni, kholu malipha va ganelago.

Jeremiya 28:3

Hwane nya gu bani na gu vbindride myaga mivili, nyi na wuya gambe ga wulanga wowu, nyi resa sombo satshavbo sa Nyumbani gwa Pfhumu Nungungulu, iso si nga dzegwago khu Nabhukodhonosori, mufumeli wa Bhabhiloni a hongola naso.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.