Jeremiya 27:14 - Bhibhiliya Nya Guage

¹⁴ Mu nga tshuki mu yingisa magana ya vaprofeti va mi embelago, khavo: Mu nga thumeli mufumeli wa Bhabhiloni, kholu malipha va ganelago.

Jeremiya 27:14 Iomraidhean Croise

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:21

Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 23:25

Nyi yingiside malipha ma ganedwego khu vaprofeti khu lina langu, avbo eni nyi ngamba va ninga siwoniso soso, va ganela, khavo: Hi di loriswa! Hi di loriswa!

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Jeremiya 38:22

Vanyamayi vatshavbo va na tshalago nyumbani nya wufumu wa Judha, va na dzegwa va ningedwa ga vathangeli va mufumeli wa Bhabhiloni, gasi avo va na ganela, khavo: Dzipari dzile dzago nya dzadi dzi gu kanganyiside, dzi gu pfhadzide. Migondro yago yi pfugunyede maragani; dzipari dzago dzi gu digide.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Vafilipi 3:2

Dzi woneleni ga ava va girago guvivba, dzi woneleni ga dzimbwa dzodzo, dzi woneleni ga ava va vbwetago wugwera nya malipha.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.