Jeremiya 27:13 - Bhibhiliya Nya Guage

¹³ Khu ginani u na gufago uwe gumogo ni vathu vago, khu nyimbi, ndzala ni mitungu, nga idzo a ganedego khidzo Pfhumu Nungungulu khu mahungu nya litigo li na gumba thumela mufumeli wa Bhabhiloni?

Jeremiya 27:13 Iomraidhean Croise

Mavingu 8:36

Aholu uye a nyi ghohelago, a gu songa hefemulo waye, ni vatshavbo va nyi nyenyago, va gu gola lufu.

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 18:24

Aholu, muthu nya gululame, a gu diga gululama gwaye, a gira gighoho nya gufanane ni sile si giridwego khu va nya guvivbedwa khu myonyo, a ngu yela guvbanya, gani? Ni moyo nya mithumo yaye nya gululame kha yi na alakanywa! Khu kotani nya gumba tumbega gwaye ni sighoho a si giridego, a nafa khiso.

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?