Jeremiya 26:8 - Bhibhiliya Nya Guage

⁸ Avbo Jeremiya a nga vbedzago gu ganela satshavbo iso a nga bani na gu leletedwe khu Pfhumu Nungungulu, a gu si ganela a embela vathu, vaphasi nya mhamba, vaprofeti ni vathu vatshavbo va di mola Jeremiya, va ganela, khavo: “Khu lisine u nafa!

Jeremiya 26:8 Iomraidhean Croise

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 32:3

Kholu Zedhekiya, mufumeli wa Judha, a di mu khothede na gu ganela, khuye: Khu ginani u profetago gukhuwe Pfhumu Nungungulu a ngu ganela kharati, khuye a na ningela lidhoropa leli mandzani ga mufumeli wa Bhabhiloni, gasi uye a li sasela;

Jeremiya 43:1

Avbo Jeremiya a nga vbedzago gu embela vathu vatshavbo magana yatshavbo a nga leletedwago khu Pfhumu Nungungulu waye, ayo Pfhumu Nungungulu waye a nga mu rumelago guta va tivisa,

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Matewu 22:6

Gasi vambe va di wugela sithumi sile, va si songa.

Matewu 27:20

Gasi vaphasi nya vakhongolo ni madhota va di kutsedzela gidzemo gu va lomba gu tshudwa Bharabhasi, a gu songwa Jesu.

Mithumo 5:33

Na va pwide esi, va di dzi hodzedzela khu wuvi, va gu hunga makungo nya gu va songe.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Gutuledwa 18:24

Ndrani gwaye wu manidwe novba wa vaprofeti ni va nya gukatega, novba wa vatshavbo vathu va nga songwago mafuni.