Jeremiya 26:24 - Bhibhiliya Nya Guage

²⁴ Ayikamo, mwamana wa Safani, khuye a nga vbulugisago muprofeti Jeremiya gu songwa khu gidzemo.

Jeremiya 26:24 Iomraidhean Croise

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

2 Dzipfhumu 25:22

Gasi khu avo va nga tshalago tigoni ga Judha, khu gu tshudwa khu Nabhukodhonosori, a di emisa Gedhaliya, mwamana wa Ayikamo, mwamana wa Safani, gu khala mwamangulu wawe.

2 Dzikoronika 34:20

Khu gulandrela, a di ninga sileletelo sesi ga Hilikiya, Ayikamo, mwamana wa Safani, Abhidhomi, mwamana wa Mika, ga mulovi Safani ni Asaya, githumi gya mufumeli, a va embela, khuye:

Jeremiya 29:3

Lidangalila leli li rumedwe khu mandzani ga Elasa, mwamana wa Safani, ni Gemariya, mwamana wa Hilikiya, a gu avo va nga rumedwago khu Ezekhiya, mufumeli wa Judha, va li yisa ga Nabhukodhonosori, mufumeli wa Bhabhiloni, na li gu, khilo:

Jeremiya 36:10

Bharuki a di hevbulela vathu vatshavbo magana ya Jeremiya a nga bani a ma lovide libhukuni mule, Nyumbani ga Pfhumu Nungungulu, umo nya muhubhe wa Gemariya, mwamana wa mulovi Safani, umo nya likupakupa nya likhongolo, vbanyangwatunu nya Lidimba nya Liphya la Nyumbani ga Pfhumu Nungungulu, dzindzeveni ga vathu vatshavbo.

Jeremiya 36:11

Mikeya, mwamana wa Gemariya, mwamana wa Safani, na pwide milowo yeyi nya magana ya Pfhumu Nungungulu,

Jeremiya 36:12

a di hongola nyumbani nya wufumu, umo nya huwo ya mulovi, gu nga bani gu tshanganide manganagana yatshavbo; mulovi Elisama, Dhelaya, mwamana wa Simaya, Elinatani, mwamana wa Akibhori, Gemariya, mwamana wa Safani, Zedhekiya, mwamana wa Hananiya ni dzimbe dzindruna.

Jeremiya 36:19

Khu guralo, manganagana ma di embela Bharuki, khayo: “Gimbilani mu ya sihala uwe gumogo ni Jeremiya; umo mu ya sihalago gu nga tidwi khu muthu.”

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Jeremiya 39:14

Va di rumela gu ya duswa Jeremiya umo nya likupakupa la dzighadhi va mu ningela ga Gedhaliya, mwamana wa Ayikamo, mwamana wa Safani, gasi a mu dzege a mu yisa nyumbani gwaye nya wufumu. Khu magirelo yoyo, Jeremiya a di simama gu khala vbakari ga vathu vaye.

Ezekiyeli 8:11

Mbeli gwawe, gu diromo livbandre na mavili magumi (70) madhota ya na Israyeli, gumogo ni Jazaniya, mwamana wa Safani, a diri vbakari gwawe. Khu gyomboni nya guvbisele umo libani, gi nga bani giri mandzani ga moyo ni moyo, gu di gu gwela lipfhi nya likhongolo nya mahema nya gunungele.

Mithumo 23:10

Guganedzisana gu di engedzelana khu tshivba. Ndruna, khu gu thava gu khiyo Pawulo a nga vbadzuledwa khavo, yi di ruma vanyakasane gu tshiga vaya dusa Pawulo vbakari gwawe, va mu bedza libhiyoni.

Mithumo 27:43

Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Gutuledwa 12:16

Ambari ulo, litigo li di emela nyamayi. Li di hama likana laye li gu midza tsongo wu nga gambwa khu mwamilambo.