Jeremiya 26:19 - Bhibhiliya Nya Guage

¹⁹ Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 26:19 Iomraidhean Croise

2 Samuweli 24:16

Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

2 Dzikoronika 32:20

Aholu mufumeli Ezekhiya ni muprofeti Isaya, mwamana wa Amosi, va di lombelela khu mahungu yaya, va lomba giphaso gya ndzadzini.

2 Dzikoronika 34:21

“Indrani mu ya wudzisa khu lina langu ga Pfhumu Nungungulu, ni lina la mitshaledwa ya na Israyeli ni ya na Judha, mayelano khu libhuku leli li tugudwego, kholu likhulo la Pfhumu Nungungulu likhongolo ngudzu vbatshani gwathu, kholu vababe vathu kha va landrisa magana ya Pfhumu Nungungulu ni gu gira kha nga idzo gu lovidwego khidzo umo nya libhuku leli.”

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 37:1

Avbo mufumeli Ezekhiya a ngapwago magana yaya, a di pferulela dzingandzu dzaye, a ambala dzisaku, aya bela Nyumbani ga Pfhumu Nungungulu.

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Jeremiya 26:15

Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jeremiya 26:3

A gu dzina saye va na ma yingisa va vbindrugedza mavbanyelo, muthu ni muthu a ndreya ndzilani gwaye nya guwegele, gasi eni neni nyi kodza gu diga makungo nya tsayiso nyi va dongisedego gu va resela, khu kotani nya sigiro sawe nya guvivbe.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Amosi 7:3

Khu guralo, Pfhumu Nungungulu, a di dzi laya khisoso a ganela, khuye: “Kha si na nga girega, a di ganela Pfhumu Nungungulu.”

Habhakuka 2:10

Makungo yoyo ma gu resede dzitshoni ndrangani gwago, khu gu mbembisa mafumbu nya mangi, u dzi thede libango nya gumbembise womi wago.

Zakariya 7:2

Vathu va Bheteli va rumedwe Sarezeri ni Regemi-Meleki gumogo ni vathu vawe, gasi guya lomba sikategiso mbeli ga Pfhumu Nungungulu,

Mitengo 16:38

Khu sombo soso nya libani va ghohidego khiso va luza ni womi, girani khiso sivbambato nya guleme khiso giluvelo; kholu si ningedwe ga Pfhumu Nungungulu, iso niso si na agiswa, gasi si khala gialakanyiso ga va na Israyeli.”

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Mithumo 5:39

Aholu wa gu bani wuri thumo wa Nungungulu, gima, kha mu na wu kodza gu wu fuvisa; gambe mu na manega na mu gu dwana ni Nungungulu.” Va di dzumela mawonelo ya Gamaliyeli.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”