Jeremiya 26:18 - Bhibhiliya Nya Guage

¹⁸ Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 26:18 Iomraidhean Croise

2 Dzipfhumu 19:25

Olu wa gu hangwa khu gukhuwe esi nyi si giride khu gale, ni gu, nyi si wumbide khu matshigu ma vbindridego, gani? Gasi olu, nya gu si gira si tadzisega nyi gu giride gu u sasela madhoropa nya makhokhola ma khala marumbi.

2 Dzikoronika 32:26

Aholu, Ezekhiya, avbo a nga dzi nogisa khu kotani nya matshandza ya monyoni gwaye uye ni vavbanyi va Jerusalema, likhulo la Pfhumu Nungungulu li di bosa li siti gwawe khu matshiguni ya Ezekhiya.

Nehemiya 4:2

Vatshavbo va di tshangana va luga gikungo nya gudhumele Jerusalema; ni gu wusa vhilinganya.

Dzindzimo 79:1

Uwe Nungungulu, tigoni gwago gu bede va nya mayigo va nyenyezisa nyumba yago nya guage, lidhoropa la Jerusalema va li giride marumbi.

Jeremiya 17:3

Uwe gigomo gyangu gya khabini, thomba yago ni gyuma gyago gyatshavbo si na phangwa khu valala vago, gumogo ni musigomoni gwago gatshavbo u phaselago umo khu kotani nya sighoho u giridego tigoni gwago gwatshavbo.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Mikeya 1:1

Aya khu magana ya Pfhumu Nungungulu ma ngata ga Mikeya, wa Morasita, matshiguni ya Jotamo, vafumeli va Judha, na ma guta khu giwoniso a wonisidwego khu kotani ya Samariya ni Jerusalema.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”