Jeremiya 26:15 - Bhibhiliya Nya Guage

¹⁵ Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jeremiya 26:15 Iomraidhean Croise

Genesi 4:10

Pfhumu Nungungulu a di engedza, khuye: “Ginani u giridego? Wona gukhuwe novba wa ndriyago u wu vbaladzidego, wu ngu womba huwa, yi pwala gukhugela mafuni kala eno gwangu.

Genesi 42:22

Rubheni a di hakha vandriyaye, khuye: “Eni nyi di gu mi embelani gukheni: Mu nga gireleni guvivba gyanana! Aholu enu kha mwa nyi yingelani. Olu hi ngu livba nandru nya novba waye.”

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

2 Dzikoronika 24:22

Khu guralo, mufumeli Jowasi kha alakanya wuwadi a giredwego Joyadha, babe wa Zakariya, aholu a di songa mwanaye, avbo a nga bani na gu sala a di ganela, khuye: Pfhumu Nungungulu a na gu wone, a gu bweledzela.

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 2:34

Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 26:12

Jeremiya a di embela manganagana yatshavbo ni vathu vatshavbo, khuye: “Pfhumu Nungungulu a nyi rumede gu profeta khu mahungu nya nyumba yeyi ni lidhoropa leli, khu magana yatshavbo yaya mu ma pwidego.”

Jeremiya 30:1

Magana ma nga ta khu ga Pfhumu Nungungulu ga Jeremiya a mu embela, khuye:

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Mitengo 35:33

Khu magirelo yaya, mu nga tshuki mu nyenyezisa litigo leli mu vbanyago ga ilo; kholu novba wu ngu nyenyezisa litigo; gambe ilo li ngu kodza gu handzwa basi khu novba wa wule a vbaladzidego novba.

Matewu 26:25

Judha, wule a nga mu ningela, a di wudzisa, khuye: “A na ba nari eni, gani, Muhevbudzi?” Jesu a di mu hakha, khuye: “Khidzo u ganedego.”

Matewu 26:4

Avbovbo, va di hevbula mano nya gumole khayo Jesu va mu songa.

Mithumo 7:60

Khavbo avbo, na khidzimide a di khusedza ngudzu lito a lomba, khuye: “Pfhumu, U nga va rwegi nandru nya gighoho gegi.” Na ganede magana yaya a di lala.

Dhewuteronome 19:10

gasi vbakari nya litigo eli Pfhumu Nungungulu wago, a gu ningidego gu khala thomba gu si vbalagi novba nyambana nandru, kholu u na manega mandzani gwago nuri ni novba nyambana nandru.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”