Jeremiya 25:9 - Bhibhiliya Nya Guage

⁹ wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 25:9 Iomraidhean Croise

2 Dzipfhumu 24:2

Nungungulu a di mu rumela masotshwa nya Vakalidhiya, nya Vaasiriya, ya na Mowabhi ni ya na Amoni, guya sasela Judha, kha nga guganela ga Pfhumu Nungungulu, a ganedego khu ga sithumi saye, vaprofeti.

2 Dzikoronika 29:8

Khu guralo, li dzude likhulo nya likhongolo la Pfhumu Nungungulu, vbakari ga na Judha ni Jerusalema, a va ningela gumbembiswani, va legalega va khala gihegiso kha nga mu si wonago khu maho yanu.

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 39:7

Va na dzega sanana sago u na si velegago, si yiswa si ya khala mithenwa ya nyumbani nya wufumu ya mufumeli wa Bhabhiloni.

Isaya 44:28

Nyi na embela Kiro, kheni: “Uye khuye muhavisi wangu, a na landrisa satshavbo si nyi tsakisago; ga Jerusalema nyi na, kheni: U na vbahedzwa; ni ga Nyumba ya Nungungulu, kheni: Siseketelo sago si na vbahedzwa nyaluphye.”

Jeremiya 1:14

Pfhumu Nungungulu a di nyi embela, khuye: Mhango yi nata khu Wuronga ga vavbanyi vatshavbo va tigoni.

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 10:22

Yingisani! Gupwala ligwaha nya likhongolo litago khu Wuronga, gasi guta sasela madhoropa ya Judha ma khala giwula, ma vbindrugedza ma khala mavbala nya migehe.

Jeremiya 12:14

Khu mahungu ya vaakelane vangu vatshavbo nya guvivbedwe khu monyo, avo va nga phangago thomba yangu nyi nga tshiyelago vathu vangu va na Israyeli, Pfhumu Nungungulu a ngu ganela kharati, khuye: “Nyi na va dusa tigoni gwawe, ni linyumba la na Judha nyi na li dusa nilo vbakari gwawe.”

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 25:8

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Kha nga olu mu ngamba yingisani magana yangu,

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 35:11

Aholu, avbo Nabhukodhonosori, mufumeli wa Bhabhiloni, a nga saselago litigo leli, hi di khethu: Hongoleni hi khuge hiya Jerusalema, gasi hi vbuluge gu sasedwa khu Vakalidhiya, ni Vaasiriya, khigyo gighelo hi manegago khigyo eno Jerusalema.”

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 36:29

U na embela Jowakimi, mufumeli wa Judha, khuwe: Pfhumu Nungungulu a ngu ganela kharati, khuye: Uwe u vbiside libhuku khu gukhuwe: Khu ginani u lovidego umomo gukhuwe mufumeli wa Bhabhiloni a nata sasela litigo leli, a vbedza vathu ni sirengo saye?

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 40:2

Ndruna nya dzighadhi yi di rana Jeremiya, yi mu embela, khiyo: “Pfhumu Nungungulu wago, thangide a ganela khu libango leli li na gu dugelelago wulanga wowu.

Jeremiya 43:10

U va embela, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na ranisa githumi gyangu Nabhukodhonosori, mufumeli wa Bhabhiloni, nyi nata emisa gikhalo nya wufumu waye vbatshani nya siwindri sesi si kembedwego avba, uye a na ghwimba tshatsha waye nya wufumu vbatshani nya siwindri sesi.

Jeremiya 46:20

Egipito, a gu fanana ni gimombyana nya wumburi, aholu, li nguta libhawa khu rongatunu li ta mu hodza.

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Ezekiyeli 12:20

Madhoropa ma khadwago khu vathu ma na khala marumbi, ni litigo li na khala giwula. Khu guralo, mu na dzitini gukhenu eni kheni Pfhumu Nungungulu.”

Ezekiyeli 16:40

Va nata ni gidzemo nya gingi va ta gu dwanisa, va gu pfara khu siwindri, ni gu gu hendrelela khu matshari yawe.

Ezekiyeli 21:11

Litshari li lodzidwe, gasi gu, li thumiswa khu mandza ilo li lodzidwe bwelo khavbo li khedziga, gasi gu vegwa mandzani ga musongi.

Ezekiyeli 26:7

Khu guralo, Mune Pfhumu Nungungulu, a ngu ganela kharati, khuye: “Gwago uwe Tiro, nyi na rumela gukhugela phuvbo ga Wuronga, mufumeli wa Bhabhiloni, Nabhukodhonosori, mufumeli nya vafumeli, nari ni dzikavalu ni dzikareta, ni vakhileli nya dzikavalu, gumogo ni masotshwa nya mangi.”

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Habhakuka 1:17

Ina a na simama gu thesa ligoga laye, nyamba diga gu simama gu songa vathu nyambana gisiro, gani?

Dhewuteronome 28:37

U na khala gipoyilo ni gisamadziso, vbakari nya vathu vale Pfhumu Nungungulu, a na gu yisago gwawe.