Jeremiya 25:7 - Bhibhiliya Nya Guage

⁷ “Enu kha mwa nyi yingisani, a ngu ganela Pfhumu Nungungulu, aholu mu di nyi wusela likhulo khu mithumo ya mandza yanu, gasi mu dzi wuselani libango.”

Jeremiya 25:7 Iomraidhean Croise

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 21:15

Kholu va giride iso si vivbidego mahoni gwangu va nyi wugela va nyi gorosa, gukhugela litshigu vababe vawe va dugidego khu tigoni ga Egipito kala muhuno.”

2 Dzikoronika 24:19

Aholu Pfhumu Nungungulu a di va rumela vaprofeti gasi guta va wuyisa gwaye nyaluphye; vaprofeti vava, va ningide wufakazi, aholu avo kha va va yingisa.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Mavingu 8:36

Aholu uye a nyi ghohelago, a gu songa hefemulo waye, ni vatshavbo va nyi nyenyago, va gu gola lufu.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 25:8

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Kha nga olu mu ngamba yingisani magana yangu,

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.