Jeremiya 25:6 - Bhibhiliya Nya Guage

⁶ Mu nga landriseli vambe vanungungulu mu va thumela ni gu va khozela, ambari gu nyi wuselani likhulo khu sifananiso mu girago khu mandza yanu, gasi nyi si mi gireli dzimhango.

Jeremiya 25:6 Iomraidhean Croise

1 Dzipfhumu 14:22

Va na Judha va di gira ugo gu vivbidego mahoni ga Pfhumu Nungungulu; va di mu gorosa ngudzu guvbindra iso si nga girwago khu vavelegi wawe, khu gu ghoha va ghohidego.

2 Dzipfhumu 17:35

Pfhumu Nungungulu a di giride gidzumeledzwano navo, a va leletela, khuye: “Kha mu na nga khozela vambe vanungungulu, ambari gu khidzima mbeli gwawe, mu nga va thumeli ambari gu va phasela.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 20:3

U nga manegi nuri ni vambe vanungungulu mbeli gwangu.

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Dhewuteronome 13:2

giyeyedzo gyogyo mwendro giliwugiso gyogyo gi ta ganela, khigyo: Hongoleni hi landrela vambe vanungungulu (u ngamba vati) hi va khozela,

Dhewuteronome 28:14

U nga ndreyi uya nyamudye mwendro nyambade ga magana yatshavbo nyi gu ningago muhuno, khu gu landrisela vambe vanungungulu u va khozela.

Dhewuteronome 6:14

U nga landreleli vambe vanungungulu avo va guromo vbakari nya mayigo ma gu randredego;

Dhewuteronome 8:19

Wa gu divaledwa khu Pfhumu Nungungulu wago, u landrisela vambe vanungungulu, u va thumela ni gu va khozela, nyi ngu sambanya mahoni gwago muhuno kheni, khu lisine mu na mbemba.

Josuwa 24:20

Mwa gu digani Pfhumu Nungungulu mu khozela vambe vanungungulu nya malipha, Uye a na vbindrugedza a mi girela guvivba, a mi mbembisa, hwane nya gu bani na mu girede silo nya sadi.”