Jeremiya 25:35 - Bhibhiliya Nya Guage

³⁵ Vahavisi va na hamuga ni ndzila nya gupfowole khiyo, ni vamune mitshambi kha va na vbuluga.

Jeremiya 25:35 Iomraidhean Croise

Joba 11:20

Aholu maho ya vathu nya guvivbedwe khu monyo, ma na mbembiswa, gima kha va na mana wuthavelo, gitumbo gyawe basi, khu guvbela hefemulo vafa.”

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Ezekiyeli 17:18

Kha nga olu uye a yeyisidego gisambanyo, a fanya gidzumeledzwano gi giridwego khu gu pharana mandza, a gira silo satshavbo sesi, kha na vbuluga ne vbadugwana.

Ezekiyeli 17:15

Aholu mufumeli a di mu wugela, ni gu rumela myango tigoni ga Egipito, guya lomba dzikavalu ni libutho nya likhongolo nya masotshwa. Ina muthu a girago silo nya nga isoso a na andra mwendro guvbuluga, gani? A gu fanya pwanano a na vbuluga kharato, gani?

Jeremiya 48:44

Uye a khalago hwanga a thava, a na thegela phalani, ni uye a na dugago khu phalani, a na modwa khu naphwi. Kholu nyi na resa avbo gwaye navbo ga Mowabhi, mwaga nya tsayiso waye, a ngu ganela Pfhumu Nungungulu.

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Jeremiya 38:18

Aholu, wa gumba ya dzi ningela ga vathangeli va mufumeli wa Bhabhiloni, lidhoropa leli li na thegela mandzani ga Vakalidhiya, avo va na li vbisa, uwe khu na vbuluga mandzani gwawe.”

Jeremiya 34:3

Uwe, khu na nga vbuluga, aholu u na modwa u ningedwa mandzani gwaye. Uwe kamwe u na wona mufumeli wa Bhabhiloni khu maho yago, uye a na ganela nago khovbe ni khovbe. Uwe u na yiswa Bhabhiloni.

Jeremiya 32:4

gambe Zedhekiya, mufumeli wa Judha, kha na vbuluga mandzani ga Vakalidhiya, gambe kha na vbuluga gu ningedwa mandzani ga mufumeli wa Bhabhiloni, aholu a na ganela naye, khovbe ni khovbe, a wonana naye khu maho yaye;

Dzindzimo 142:4

Khedzisa gwadi maphuvbo yatshavbo, mwalo a thelago kota khu eni, kholu nyi mwalo wulanga nya guthavele avbo.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 25:36

Gu pwala dzihuwa nya vahavisi, ni dzihuwa dza vamune mitshambi! Kholu Pfhumu Nungungulu a ngu pfhungumula mikova yawe.

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”