Jeremiya 25:34 - Bhibhiliya Nya Guage

³⁴ Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 25:34 Iomraidhean Croise

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 2:16

ni vbatshani nya mataro yatshavbo ya Tarisisi ni ga satshavbo iso si wonegago na si mburide mahoni ga vathu.

Isaya 30:14

Pfhumu Nungungulu a na pandrelela kha nga idzo yi pandrwago khidzo khali nya libumba a yi phwathisela nyamba yi tsetsa, yi tshala khu sindzengele nya sidugwana, gu si manegi ni gimwegyo nya gu vbale khigyo nilo mwendro gu rega khigyo mati namboni.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Isaya 34:7

Va na songwa gumogo ni dzimombe nya likhabi, marole ni dzikuzi; litigo lawe li na lewa khu novba ni kudzudzwane wawe wu na nyuga khu mafura.

Jeremiya 18:22

Gu na pwale dzihuwa dzinyumbani gwawe, avbo u na va rumelago khu guvbiredza tsawa nya sighevenga! Kholu va nyi kembede liphala gasi gu nyi rinya umo, va riyide naphwi gasi gu nyi mola.

Jeremiya 22:28

Ina kamwe Jekoniya a di vbindrugedza a khala gindzengele nya khali yi pandregidego, mwendro gyombo nyamba phasa gilo gi si khathaledwigo khu muthu, gani? Khu kotani nya ginani va nga dzegwago gumogo ni livelego lawe va ya dzudzugwa ga litigo va si litigo?

Jeremiya 23:1

Pfhumu Nungungulu a ngu ganela, khuye: Libango ga vahavisi va pfhungumulago ni gu phalalegisa dzinvuta nya tshambi wangu.

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 25:23

va Dhedhani, va Tema, va Bhuzi ni vatshavbo va gayago mindzudzu dzibambe;

Jeremiya 25:36

Gu pwala dzihuwa nya vahavisi, ni dzihuwa dza vamune mitshambi! Kholu Pfhumu Nungungulu a ngu pfhungumula mikova yawe.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Jeremiya 48:38

Vbatshani nya dzilangwe nya dzinyumba dza Mowabhi gumogo ni dzindzilani gwaye, gu pwala dzihuwa, kholu Mowabhi, nyi mu pandride kha nga kanvu nyamba phasa gilo! A ngu ganela Pfhumu Nungungulu.

Jeremiya 50:27

Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Ezekiyeli 34:20

Khu kotani nya isoso, Mune Pfhumu Nungungulu, a ngu ganela kharati, khuye: Eni mune kamwe nyi na lamula vbakari nya dzinvuta nya guene ni idzo nya guwondre.

Dhaniyeli 11:8

A na phanga gambe ni vanungungulu vaye, ni mwandra nya sifananiso saye, ni sombo saye nya lisima nya parata ni ndralama, a va vbagela a va yisa Egipito. Khu hwane nya myaga nya gukari, uye kha na nga dhumela mufumeli wa Wuronga.

Hoseya 8:8

Israyeli midzidwe; olu womo vbakari ga mambe mayigo kha nga gyombo nyamba phasa gilo.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Zakariya 10:3

Likhulo langu la gu vbisela vahavisi, eni nyi na tsayisa vathangeli; aholu Pfhumu Nungungulu nya Tshivba Yatshavbo a nata sayisa tshambi waye, a gu vathu va Judha, a nga va gira kha nga kavalu yaye nya tshivba nyimbitunu.

Zakariya 11:3

Gu pwala huwa nya gililo gya vahavisi! Kholu wudhumo wawe wu pfhungumudwe; gu pwala gubhonga nya dzinghala, kholu gu hafumudwe matshandza ya Joridhani.

Jakobe 5:5

Enu mu vbanyide mafuni momu khu manonwa ni gu dzi londrola. Khu guralo, mu enide nga dzimombe dziyago gusongwani.