Jeremiya 25:31 - Bhibhiliya Nya Guage

³¹ Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”

Jeremiya 25:31 Iomraidhean Croise

Isaya 33:3

Va gupwa gudzuma nya lito lago, va nya mayigo va na tutuma; gikhati u khusegago, mayigo ma na phalalega.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Jeremiya 2:35

u nga guganela, khuwe: “Nyi mwalo nandru! Likhulo lago li vbindride avbo gwangu.” Aholu nyi na gu lamula kholu u ganedego, khuwe: “Kha nya ghoha gilo!”

Jeremiya 23:19

Wona nya gukhuwe likhulo la Pfhumu Nungungulu li na khusega kha nga phuvbo nya gingulu vbatshani nya sighohi.

Jeremiya 45:5

Ina uwe wa gu dogorela gu mana silo nya sikhongolo, gani? Diga gu dogorela gogo, kholu eni Pfhumu Nungungulu, nyi na resa dzitshanisa ga vathu vatshavbo; gasi uwe, nyi na gu vbanyisa malangani yatshavbo u na gu gimbilelago umo. A ngu ganela Pfhumu Nungungulu.”

Ezekiyeli 30:3

Kholu litshigu lomo vbafuvbi, lisine, lomo vbafuvbi litshigu la Pfhumu Nungungulu, litshigu nya mazuvi; a na bani ari gikhati nya tsayiso wa va nya mayigo.

Ezekiyeli 38:22

Nyi na dwana naye khu tungu ni gu vbalaga nya novba; nyi wisa ndzadzi nya yingi nya ndrambi, ni siwindri nya sikhongolo nya maralala, ni lidhingiso nya nilo, si na thega vbatshani gwaye ni ga masotshwa yaye, ni ga mayigo nya mangi a na gu bani nari navo.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Joyele 3:2

nyi na tombanisa mayigo yatshavbo nyi ma reledza kovani ga Josafani; iyoyo nyi na ya ma lamula khu kotani va dzegidego vathu vangu ni thomba yangu va na Israyeli, uye va mu phalalegisidego vbakari nya mayigo, va kabanisa litigo langu.

Mikeya 6:2

Enu sigomo yingisani, mu ngu rwegwa nandru khu Pfhumu Nungungulu, ni enu siseketelo nya litigo mu tiyidego ngudzu; kholu Pfhumu Nungungulu a ngu dwanisa vathu vaye, gambe a na lamula va na Israyeli.