Jeremiya 25:30 - Bhibhiliya Nya Guage

³⁰ Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Jeremiya 25:30 Iomraidhean Croise

2 Samuweli 15:25

Khu guralo, mufumeli a di embela Sadhoki, khuye: Bweledza dhoropani Ngasa nya Gidzumeledzwano ya Nungungulu. Nya gu mana wuhigo mbeli ga Pfhumu Nungungulu, uye a na nyi bweledza nyaluphye nyi ya yi wona ni gu wona nyumba yakone.

1 Dzipfhumu 9:3

Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

2 Dzikoronika 30:27

Khu guhegisa, vaphasi nya mhamba ni va na Levhi, va di khuga gasi gukategisa gidzemo nya vathu. Lito lawe li di yingiswa ni nombelo wawe wu di vboha kala ndzadzini, Wulangani nya Guage a khalago avbo Nungungulu.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 132:14

A di khuye: “Owu wu na khala wulanga wangu kala gupindruga, nyi na vbaha avba, kholu owu wulanga nyi wu tsakede.

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 58:5

gasi gumba pwa litembo ambari gu yingisa lito la wule a girago masalamuso.

Dzindzimo 78:65

Khavbo, Pfhumu, a nga gira gukhwatshi gu khendzuga khu ligovbeni, kha nga mwama nya ndrena a wusedwago wunyanyu waye khu wadwa.

Isaya 16:9

Khu guralo nyi na lila, gumogo ni Jazeri, khu lithembwe la Sibima; uwe Hesibhoni, ni uwe Eleyali, nyi na mi naganisa khu marongo yangu; kholu thembweni gwanu nya mihandro, kha gu pwali gambe dzindzimo nya litsako nya guvbwere dzimbewu.

Isaya 33:3

Va gupwa gudzuma nya lito lago, va nya mayigo va na tutuma; gikhati u khusegago, mayigo ma na phalalega.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Jeremiya 17:12

Gikhalo gyathu nya wudhumo, gi khusegidego ngudzu gukhugela guhegulani, khu wulanga wathu nya miphaso.

Jeremiya 25:38

A fanana ni nghala yi dugidego khu wulangani gwaye; kholu litigo lawe li vbindrugedzidwe li khala giwula, khu kotani nya gukhondre nya likhulo la Pfhumu Nungungulu.

Jeremiya 48:33

Dzindzimo ni mikulungwane, kha dzi nga gu pwala gambe tigoni nya gunone ga Mowabhi, nyi bangiside miphongolo yi thedwago umo vbinyu; mwalo gambe a na gu gamago dziuvha khu litsako, gwa gu manega ndzimo, yi na bani yiri ya gililo.

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Dhewuteronome 26:15

Wona gukhugela khu nyumbani gwago nya guage, khu ndzadzini yoyo, kategisa vathu vago, va na Israyeli ni litigo u hi ningidego, kha nga u nga sambanyago ga vababe vathu, litigo li gogago mahwe ni wulombe.”

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.