Jeremiya 25:29 - Bhibhiliya Nya Guage

²⁹ Wonani nya gukhenu nya gu phela khu gu tsayisa dhoropani mule gu ranwago khu lina langu; ina enu mu na digwa nyamba tsayiswani, gani? Ahihi, kha mu na vbuluga gilo, kholu nyi womo vbafuvbi ni gu resa dzinyimbi dzi ta sasela vathu vatshavbo va tigoni, a ngu ganela Pfhumu Nungungulu nya Tshivba Yatshavbo.

Jeremiya 25:29 Iomraidhean Croise

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

Mavingu 11:21

Muthu nya guvivbedwe khu monyo, gima kha na vbuluga gu mana tsayiso, aholu livelego la va nya gululama, li na vbuluga.

Mavingu 11:31

Muthu nya gululame a na mana tshatshazelo waye mafuni momo; ahati va nya guvivbedwa khu monyo ni sighohi va na gira kharini?

Mavingu 17:5

Uye a nyenyago gisiwana, a gu vala Muvangi waye, ni uye a tsakiswago khu gu wona vambe vari mhangoni, kha na vbuluga.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Jeremiya 13:13

Aholu uwe u na va embela, khuwe: Pfhumu Nungungulu a ngu ganela kharati, khuye: Wona nya gukhuwe vatshavbo vavbanyi va tigoni momu, vafumeli va khalago gikhaloni nya wufumu wa Dhavhidhe, vaphasi nya mhamba, vaprofeti ni vatshavbo vavbanyi va Jerusalema, nyi na va levisa khu wadwa.

Jeremiya 19:3

u naya va embela, khuwe: Yingisani magana ya Pfhumu Nungungulu, enu vafumeli va Judha ni enu vavbanyi va Jerusalema. Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wonani, nyi na mi rumelani wulanga wowu, libango nya likhongolo nya gu uye a na lipwago a na gulumedwa khilo dzindzeveni gwaye.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Jeremiya 49:12

Kholu Pfhumu Nungungulu a ngu ganela kharati, khuye: “Vale va nga bani va si yeli gu sela gikombe gegi, gu vbwetega va gi sela, ahati uwe u na vbuluga u si gi seli, gani? Ahihi! Uwe nuwe kamwe u yede gu gi sela.”

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 38:21

Gogi nyi mu na mu ranela dzinyimbi khu musigomoni gwangu gwatshavbo, a ngu ganela Mune Pfhumu Nungungulu; litshari la moyo ni moyo li na sasela ndriyaye.

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Obhadhiya 1:16

Kholu, gikombe mu nga sela khigyo gigomoni gwangu nya gukatege, kharato nugo ma na sela khigyo mayigo yatshavbo; va na sela ni giminya gukhwatshi gu diri mwalo gilo.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Luka 23:31

Kholu, ambari nya gukhuwe simbo nya gunagane va wu girago kharati, a hati uwo nya gubange wu na girwa kharini?”

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?