Jeremiya 25:26 - Bhibhiliya Nya Guage

²⁶ ni vafumeli vatshavbo va Wuronga, va vbafuvbi ni va hwindzo, khu gulandrelana, ni mifumo yatshavbo ya tigoni yi guromo vbatshani nya mafu; khu hwane nya avo vatshavbo, a na sela mufumeli wa Bhabhiloni.

Jeremiya 25:26 Iomraidhean Croise

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 51:41

Gasi wandridwe ni gu modwa kharini Sisaki, manidwego khu githugedza, uye a gu wudhumo nya litigo latshavbo! Vbindrugedzide kharini a khala gilo nya guthise ni gihegiso vbakari nya mayigo!

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Ezekiyeli 32:30

Vathangeli vatshavbo va Wuronga ni vavbanyi va Sidhoni, vomo navo vbale, va reledego gumogo ni vale va songidwego, na va tade khu dzitshoni nya dzihanyi va dzi giridego khu tshivba va nga bani vari nayo; va ngu lala gumogo ni va nyamba hana wugwera, ni vale va songidwego khu matshari, va di rwala dzitshoni dzawe gumogo ni vale va relelago phalani nya vafi.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.