Jeremiya 25:22 - Bhibhiliya Nya Guage

²² ga vafumeli vatshavbo va Tiro, ni vafumeli vatshavbo va Sidhoni, ni ga vafumeli va khisikheyi nya yiphwa;

Jeremiya 25:22 Iomraidhean Croise

Isaya 23:1

Gitiviso nya gusasedwe litigo la Tiro. Wombani dzihuwa enu mataro ya Tarisisi! Kholu Tiro mbembisidwe, avbo gu si wonegigo gambe ni nyumba mweyo, ambari ni lisiwo nya gutshegeme avbo dzingalava, mahungu yaya ma tivisidwe gukhugela tigoni ga Kipre.

Isaya 23:15

Khu litshigu lolo, Tiro va na mu divala gipimo nya livbandre na mavili magumi (70) myaga, matshigu nya guvbanye ya mufumeli moyo; aholu guvbelani nya livbandre na mavili magumi myaga, Tiro a na dugeledwa khiso si embeledwago omu nya ndzimo ya gibhayi, gupwani:

Isaya 23:4

Dzipwe dzitshoni uwe Sidhoni, kholu linene ni likhokhola nya linene, li ngu ganela, khilo: “Kha nya lumwa, nyi si gu velegi, nyi si gu velegi madzaha ambari gulaya dzimbiri.”

Jeremiya 27:3

Khu hwane u na si rumela ga mufumeli wa Edhomi, wa Mowabhi ni ga va na Amoni, ga mufumeli wa Tiro ni wa Sidhoni, na ma gu vbelegedzwa khu sirumwa sa mufumeli si tago khu Jerusalema gasi guya wonana ni Zedhekiya, mufumeli wa Judha.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 47:4

kholu litshigu nya gumbembiswe Vafilisitiya vatshavbo li vbohide, li segela ni ndzila madhoropa ya Tiro ni Sidhoni, ni mayigo yatshavbo ma tshadego ma mu phasedzelago. Pfhumu Nungungulu a na mbembisa Vafilisitiya va tshadego gidwani gya Kafitori.

Ezekiyeli 27:27

Dzithomba dzago ni mirwalo yago, ni wugwewo wago, vagimbidzisi vago nya dzingalava, a gu vanonedzi vago nya ndzila, avo va nga bani va lulamisa mataro ni varengisi vago, vadwani vatshavbo nya nyimbi, gumogo ni vatshavbo va guromo ngalavani, va na bhwabhwamela nondrwani nya yiphwa, khu litshigu nya gupfhungumudwe gwago.

Ezekiyeli 28:1

Pfhumu Nungungulu a di ganela ni eni, khuye:

Ezekiyeli 28:20

Pfhumu Nungungulu a di nyi embela, khuye:

Ezekiyeli 28:21

Mwamana wa muthu, thendregedza khovbe u khedza iso si dugelelago tigoni ga Sidhoni, u va profeta,

Ezekiyeli 29:18

“Mwamana wa muthu, Nabhukodhonosori, mufumeli wa Bhabhiloni, rumede masotshwa yaye gu gira thumo nya gulemele tigoni ga Tiro; vatshavbo va di vidwa makhwalu mihungoni gwawe, magata yawe ma di kuluwugela, aholu mufumeli ni masotshwa yaye, kha va mana bhindzu ga Tiro, khu thumo va wu giridego nya gu mu dwanise.

Ezekiyeli 32:30

Vathangeli vatshavbo va Wuronga ni vavbanyi va Sidhoni, vomo navo vbale, va reledego gumogo ni vale va songidwego, na va tade khu dzitshoni nya dzihanyi va dzi giridego khu tshivba va nga bani vari nayo; va ngu lala gumogo ni va nyamba hana wugwera, ni vale va songidwego khu matshari, va di rwala dzitshoni dzawe gumogo ni vale va relelago phalani nya vafi.

Ezekiyeli 39:6

Nyi na rumela nilo ga va na Magogi ni ga vale va vbanyago gurulani umo nya sidwa sa linene; khavbo va na dzitigo gukhavo eni kheni Pfhumu Nungungulu.