Jeremiya 25:20 - Bhibhiliya Nya Guage

²⁰ ni vathu nya mafumbu nya guhambanelane va vbanyago umomo, ni vafumeli vatshavbo va tigoni ga Uzi, vafumeli va tigoni nya Vafilisitiya, va Asikaloni, va Gaza, va Ekoroni ni mitshaledwa ya Asidhodhi;

Jeremiya 25:20 Iomraidhean Croise

Genesi 10:23

Sanana sa Arami khu esi: Uzi, Huli, Geteri ni Masi.

Genesi 22:21

Uzi khuye matiwula yakone, ni ndriyaye Bhuzi, Kemuweli babe wa Arani,

1 Dzikoronika 1:17

Sanana sa Semi si diri esi: Elamo, Asuri, Arifasadi, Ludhini, Arani, Uzi, Huli, Geteri ni Meseki.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Ekisodha 12:38

Vambe vathu nya vangi nya mambe mafumbu va dugide navo gumogo ni va na Israyeli ni mitshambi nya dzinvuta ni dzimombe nya gutale ngudzu.

Isaya 20:1

Khu mwaga a rumedwego khuwo Taritani khu Sarigoni, mufumeli wa Asiriya, gasi guya dwanisa lidhoropa la Asidhodhi kala a li wandra,

Jeremiya 25:24

ni vatshavbo vafumeli va Arabhiya ni vafumeli vatshavbo nya guhambanelane va vbanyago mugiwulani;

Jeremiya 27:3

Khu hwane u na si rumela ga mufumeli wa Edhomi, wa Mowabhi ni ga va na Amoni, ga mufumeli wa Tiro ni wa Sidhoni, na ma gu vbelegedzwa khu sirumwa sa mufumeli si tago khu Jerusalema gasi guya wonana ni Zedhekiya, mufumeli wa Judha.

Jeremiya 50:37

Matshari ma na sasela dzikavalu, gumogo ni dzikareta dzawe ni ga valuveli vatshavbo va guromo vbakari gwawe, gasi va khala gukhwatshi vanyamayi! Matshari ma na sasela gambe dzithomba dzawe, dzi phangwa dzatshavbo.

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Ezekiyeli 30:5

Etiyopiya, Puti, Ludhi ni Arabhiya watshavbo, avo va Kubhi ni vathu nya litigo va giridego navo gidzumeledzwano, va na songetedwa khu matshari gumogo ni Egipito.

Valamuli 1:18

Judha a di wandra gambe Gaza, Asikeloni, Ekoroni gumogo ni mayigwana yawe.

1 Samuweli 6:17

Khiso esi, sifananiso nya sithunya nya ndralama Vafilisitiya va nga rumelago ga Pfhumu Nungungulu, gasi gu gira khiso phaso nya ditshedzo: Gimwegyo ga lidhoropa la Asidhodhi, gimwegyo dhoropani ga Gaza, gimwegyo dhoropani ga Asikeloni, gimbe dhoropani ga Gati, gimbe dhoropani ga Ekroni;