Jeremiya 25:15 - Bhibhiliya Nya Guage

¹⁵ Kholu Pfhumu Nungungulu wa Israyeli, a nyi embede kharati, khuye: “Dzega mandzani gwangu gikombe gegi nya vbinyu gi tadego khu likhulo langu u ya sedza mayigo yatshavbo nyi na gu rumelago umo.

Jeremiya 25:15 Iomraidhean Croise

Joba 21:20

Gu di vbwetega va yi mana vabune tsayiso yawe. Va sela gambe gikombe nya khorodza ya Nungungulu Nya Tshivba Yatshavbo.

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Dzindzimo 60:3

U giride vathu vago va wona sigaradzo nya singi, u hi sedzide wadwa gasi hi leva.

Dzindzimo 75:8

Mandzani ga Pfhumu Nungungulu gyomo gikombe gi tadego khu wadwa wu pupumago likhulo laye, a na ningago va sela vatshavbo va nya guvivba va tigoni va sela kala ni giminya gyakone.

Dzindzimo 75:9

A gu bani nari eni nyi na dhumisa Nungungulu kala gupindruga; nyi embelela dzindzimo nya gurungudze Nungungulu wa Jakobe.

Isaya 14:26

Aya khu makungo ma hungidwego tigoni gwatshavbo; egi khu gyandza gi thawuludzidwego ga mayigo yatshavbo.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Jeremiya 1:5

“Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 43:11

Uye a nata sasela litigo leli la Egipito. Avo va lumbwago khu gufa, va nafa! Avo va na lumbago gu vbagedwa, va na vbagedwa! Avo va lumbago gu songwa khu matshari, va nafa khu matshari!

Jeremiya 45:5

Ina uwe wa gu dogorela gu mana silo nya sikhongolo, gani? Diga gu dogorela gogo, kholu eni Pfhumu Nungungulu, nyi na resa dzitshanisa ga vathu vatshavbo; gasi uwe, nyi na gu vbanyisa malangani yatshavbo u na gu gimbilelago umo. A ngu ganela Pfhumu Nungungulu.”

Jeremiya 46:1

Aya khu magana Pfhumu Nungungulu a nga tivisago Jeremiya, mayelano khu va nya mayigo.

Jeremiya 48:26

Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Jeremiya 49:12

Kholu Pfhumu Nungungulu a ngu ganela kharati, khuye: “Vale va nga bani va si yeli gu sela gikombe gegi, gu vbwetega va gi sela, ahati uwe u na vbuluga u si gi seli, gani? Ahihi! Uwe nuwe kamwe u yede gu gi sela.”

Jeremiya 51:7

Litigo la Bhabhiloni li di gu fanana ni gikombe nya ndralama Pfhumu Nungungulu a pharidego mandzani, a sedza a levisa litigo latshavbo; mayigo ma di sela vbinyu yaye; khu guralo, ayo ma di handrugiswa mapimo.

Ezekiyeli 23:32

Mune Pfhumu Nungungulu a ngu ganela kharati, khuye: Uwe u na sela khu khokho yile a sedego khiyo koma wago, khokho nya yikhongolo ni gueta; iyo yi na gira gihegiso ni gipoyilo, khu kotani nya idzo yi gu yikhongolo khidzo.

Ezekiyeli 23:33

Uwe u na fumwa khu guleva ni wuvi, khu khokho yoyo nya sigaradzo ni gu mbembisa, a gu khokho ya koma wago Samariya.

Ezekiyeli 29:12

Khu guralo, litigo la Egipito nyi na li gira marumbi vbakari nya mayigo ma gu marumbi; ni madhoropa yaye, vbakari nya madhoropa ma gu marumbi, gukhugela gipimo nya magumana myaga; nyi na phalalegisa Vagipiti vbakari nya mahundzu ni gu va legalegisa vbakari nya mambe mayigo.

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Obhadhiya 1:16

Kholu, gikombe mu nga sela khigyo gigomoni gwangu nya gukatege, kharato nugo ma na sela khigyo mayigo yatshavbo; va na sela ni giminya gukhwatshi gu diri mwalo gilo.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

Gutuledwa 14:10

uye a na sela gambe vbinyu nyamba futungedzwa nya likhulo la Nungungulu, li guhudwago ni tshivba yaye yatshavbo gikombeni nya gulamule. Gambe a na dayiswa khu nilo ni sufula mbeli nya dzingilozi nya gukatege ni Nvutana.

Gutuledwa 14:19

Ngilozi yi di tshisa givbwero mafuni yi pilela dziwuvha dza tigoni yi dzi thedzela sungwani nya likhulo la Nungungulu.